ADUNDEHANI LUN HATURIHANU BÍBÜLIA
Winwan humá lau ugundani
Lidan aturiahani tídangiñeti Bíbülia le, hadariruba óunabagülei lun álügüdahani kéiburi:
Ida luba gunda lan nibagari?
Lachülürüba funa san dan lun lagumuchun wuribani luma asufuriruni?
Narihayabaña funa san niduheñu ha hilaguaañabaña?
Saminati san Bungiu nuagun?
Ida luba nafurieidun lun laganbunina Bungiu?
Mafayeihanbadün
Mafayeihanbadün luagu aturiahani le, tichugúba aban líburu Winwan humá lau ugundani hun tuma aban Bíbülia anhoun hemegeira.
Según hidaani
Óundaragua humá luma humaisturun o luéigiñe gágamuru, lidan oura luma fulasu, le buídutimabei hun.
Mafosurúnbadün
Gayaraati hararamuni aturiahani furumiñeguarügü dan. Úati agurabúti húmagiñe.
Ida liña wíchugun aturiahani tídangiñeti Bíbülia?
Líderagubadün humaisturun afurendeirei le tarufudahabei Bíbülia según tema. Lidan haturiahanu Bíbülia tau líburu Winwan humá lau ugundani hafurendeirubei murusun murusun ka lan uganu tídanbei Bíbülia luma ida luba lan líderagunün. Anhein busén hubéi hasubudirun amu katei, ariha huméi bidéu le o aliiha huméi lóunabagüle álügüdahani le gabügürüguati ladügǘn luagu aturiahani le.
Busentün harihin ida liña lan?
Sügügüda humá agu luagu furumiñeti burí arufudahani le lídanbei aturiahani le.
Aranseedün san lun harihini ida liña lan aturiahani?
Dǘgüda humá ǘnabu lun hadügün aransehani lubá furumiñeti fánreinti lánina haturiahanu Bíbülia.