Memorial na Patay ni Jesus
Sabadu, Abril 12, 2025
Mittan kada dagun, iselebra na Saksi ira ni Jehova i patay ni Jesus megafu ta nibilin na yatun. Kinagi na: “Kuan nu yaw tu panaddamman nu niakan.”—Lucas 22:19.
Imbitadu ka taw nga okasion.
Gagangay ira nga Pakkiavu
Kunnasi kabayag i programa?
Maggi tangoras.
Sitaw yatun?
Iyavu mu i detalye ira ta Saksi ira ni Jehova ta dian nu.
Egga kari i mapagan?
Awan.
Egga kari i makolekta?
Awan.
Anni i meyusa nga sinnung?
Awan tu espesipiko nga klase na sinnung nga mawag nga meyusa. Ngem ikaguman na Saksi ira ni Jehova nga tuttulan i kagian na Biblia nga massinnung tu mepangngo anna disente. (1 Timoteo 2:9) Ari nga mawag tu kitangngina onu kitaf-formal i usammu.
Anni i makua ta Memorial?
Mamegafu anna mangultimu yatun gukaban na pakkansion anna pakimallo nga irollu na tadday nga ministro na Saksi ira ni Jehova. Egga i nebase-Biblia nga palappa nga mangipakanawag ta importansia na patay ni Jesus anna nu anni i pammakapiattam tatun nga kingngua na Dios anna ni Cristo para nittam.
Para ta mas aru nga detalye, innan i artikulo nga “Ngatta Tanakuan i Pangiselebra na Saksi ira ni Jehova ta Pamugag na Yafu Kumpara ta Karuan nga Relihion?”
Sonu anni i Memorial ta tumunug ira nga dagun?
2025: Sabadu, Abril 12
2026: Huebes, Abril 2