Ootughiạn Aḍuugh Phọ AZizọs
Satodee, April 12, 2025
Mem torobọ alhạ, Abugbaanhaạn AZihova rootughiạn ghan ni ḍuugh phọ aZizọs, idiphọ odị atọ bọ mọ: “Iḍighi ghan iduọn ilọ ootughianạm amị.”—Luk 22:19.
Yoor romhạgh ni nyinhạ oru aani eḍighieeny phọ ephẹn phọ.
Asipuru Dị Rogbor Ghan Kopuru
Eḍighieeny phọ kedoọny eleeny ika?
Kemạn ni oniin awạ.
Kopạm eghẹn?
Puru torobọ onyọ Ogbaanhaạn aZihova ilọ esi phọ kopạm bọ epẹ ekool phọ anyinha.
Kokpẹ ni ikpoki kụ oḍigh?
Eeye.
Kokirom ni ekpạ?
Eeye.
Emoọgh ni odọ iinmenhian dị koonmenhian ḍughụm?
Eḍighieeny phọ ephẹn i/moọgh iinmenhian dị egbatanhaạn, kuolọ Abugbaanhaạn aZihova rokparaghạ ghan ni odaphạn oromha aBaibul phọ ilọ oonmenhian eten dị esooran ḅilhẹ eḍigh eghuan. (1 Timoti 2:9) I/wạ mọ iinmenhian phọ anạ emhạn ikpoki obobọ eemhaghaghạn iboom.
Eeghe kụ kemite siphẹ aMemorial phọ?
Romiighom ghan koḅilhẹ okureriom eḍighieeny phọ ḍuọr r’iiḅereghị. Oniin onyọ Ogbaanhaạn aZihova kụ kaaḅereghị. Kongọ ni oghaạph dị kaakaragh iyaạr phọ eḍighi bọ kụ aḍuugh phọ aZizọs emhạn bọ maạr ḅilhẹ r’idị yira komooghọm suọ esi ipẹ Enhaạn r’aKraist muḍighinhaan bọ iyira.
Olhegheri obughẹ, pọ bạl emhuoghaạph phọ “Why Do Jehovah’s Witnesses Observe the Lord’s Supper Differently From the Way Other Religions Do?”
Pụr amem kụ edị kopạm eḍighieeny phọ siạ phọ ipẹ retu bọ?
2025: Satodee, April 12
2026: Toosdee, April 2