TUUGHẠ BAIBUL PHỌ R’OLHOGHONHAẠN AḌIGHAẠGH OTUGHEMHIẠ
Kelhọm Ghuḍum K’agee-pọ!
Siẹn ituughạ aBaibul phọ egbolhomaam bọ nyinhạ, ikpoki ro/boọr ghan bọ, nạ kamiịn ni ophanyanhaạn asipuru phọ iphẹn:
Mị kamoọgh ika oḅaạl olhoghi siẹn aghuḍum mọ amhị?
Imhinhimhiịn r’ikarạph kesi ni eekunha ḍughụm?
Mị kaḅilhẹ ni amiịn buọ ephomhoghiạn phọ amhị momhuughu bọ ḍughụm?
Enhaạn akạr ri ruphogh ghan imhị?
Ika kụ idị mị kaaḅereghị kụ Enhaạn enaghạn?
Ikpoki Ro/boọr
Oomo ituughạ phọ keḍighi oopho, kụ oḅilhẹ ongoọm nyinhạ ḍinyạ phọ kosighẹ bọ otuughaạm, Kelhọm Ghuḍum K’agee-pọ! r’aBaibul eḍighi maạr dị nạ rawạ ni.
Ipẹ Eḅeraạn Bọ Nyinhạ
Otughemhiạ phọ anạ katue ni atu ateẹny nyinhạ obobọ asighẹ fon kụ aḍighinhom—torobọ amem r’esi lọ eḅeraạn nyinhạ.
Nyinhạ Ro/kpaariọm
Nạ atue ni asiemhi eekunha ituughạ phọ torobọ amem lọ nạ rawạ—nyinhạ ro/kpaariọm mọ nạ amoọgh otuughạ.
Ropạm ghan ika ituughạ aBaibul phọ?
Otughemhiạ phọ anạ kalhoghonhaạn nyinhạ ḍighaạgh olhegheri itughemhị aBaibul phọ esi ooḅeghiọn ghan r’anạ rumhuoghaạph phọ edi bọ siphẹ aḍinyạ phọ. Siẹn ituughạ aBaibul phọ egbolhomaam bọ nyinhạ edi bọ ḍinyạ phọ Kelhọm Ghuḍum K’agee-pọ! enụm enụm nạ katuughạ ni ipẹ edi bọ siphẹ aBaibul phọ r’idị ipẹ phọ kelhoghonhaạn nyinhạ ḍighaạgh. Orue olhegheri obughẹ, pogh vidio phọ ophọn obobọ miịn ophagharanhaạn asipuru dị ibadị awe mopuru ilọ ituughạ phọ iphẹn phọ.
Keḅeraạn ni nyinhạ omhiịn ipẹ aḍinyạ phọ edi bọ?
Miịn ighunyonhom ituughạ aBaibul phọ.
Keḅeraạn ni nyinhạ omhiigh anyiidiphọ?
Zụ igbe phọ ogẹ bọ mọ Pinhom Aani Bin Ituughạ ABaibul Phọ Ayoor omhiigh iikolhobian ituughạ aBaibul phọ anạ.