“Gbeelhom Iiḅi Iinhaghạn Phọ!”
Ookpomhoghan Abugbaanhaạn AZihova 2024
Ikpoki ko/kpẹ kụ oḍigh • kụ ekpạ ro/kirom
Araraạr Dị Rogon Omhiịn
Fraidee: Miịn riphigh dị eḍeenhaan mọ iiḅi iinhaghạn phọ ilọ aZizọs edi bọ rinyạ aGospel phọ ilọ adọl aghuḍum mọ odị etu ni inẹ. Tuughạ idị igẹ aBaibul phọ iphẹn phọ kingọ iyira suọ ḍio arodon.
Satodee: Imiịn phọ ighaạph eeghe ilọ emariạ r’adọl eghoroghọr phọ aZizọs, kụ ipẹ imiịn phọ eghaạph bọ ikạr ri emite ḍughụm?
Sondị: Siphẹ oghaạph aBaibul phọ “Iyaạr Phọ Eḍighi Bọ Kụ Yira Ro/kiilhaan Bọ Ikarạph Iinhaghạn,” tuughạ iyaạr phọ eḍighi bọ kụ irubal awe rodon omhoọgh bọ riphigh otuan olhoghomha eborọph ghalhamọ r’iduọn aḅirinhi phọ rapogh ghan bọ bịn olhoghorị.
Oodoọny Avidio
Iiḅi Iinhaghạn Phọ Odaphạn Zizọs: Ekpịgh 1
Okạr Aḍiḅaạl Aḅirinhi Phọ
Eten iiḍaạny phọ omhạr bọ Zizọs eḍighi nyeniin bịn esi ibadị ariphigh araraạr phọ emite bọ mem eghoroghọr phọ odị. Usumanham nyodị ogheel Ijipt mem dị ookọm-enu oolhạ awạ oghiigh odị. Onyebel roten, odị alhọgh ni iikia buniin abugbogh abutughemhiạ amem mọ odị. Miịn iphẹn phọ r’inhọn araraạr dị emite esi ekpịgh dị odi iyạl apakirị dị koḍeenhaan Fraidee r’aSatodee.
Pogh sividio phọ iphẹn eghaạph bọ ilọ ookpomhoghan arolhool
Eeghe Kụ Remite Ghan Rookpomoghan Eephugh Ayoor?
Miịn raraạr dị nạ kagon omhiịn mem lọ nạ aghị ookpomhoghan eephugh Abugbaanhaạn aZihova.
Ookpomhoghan Abugbaanhaạn AZihova 2024: “Gbeelhom Iiḅi Iinhaghạn Phọ!”
Miịn raraạr dị yira kotuughạ ookpomhoghan eephugh arolhool phọ.
Avidio Dị Aakaragh Oodoọny Avidio: Iiḅi Iinhaghạn Phọ Odaphạn Zizọs
Ibadị awe olegheri ni ilọ eten iiḍaạny phọ omhạr bọ Zizọs. Kuolọ ighẹn araraạr kụ imite kụ ogbi bọ omhạr odị ḅilhẹ r’amem mọ momhạr bọ nyodị eten?