Naʼna woseʼnanopïrï poko upuʼko. Amu oponarono owe naʼna woseʼnanoʼtopo èʼtï weijï epoko.

Jehoba poko Wòrupïatonon okomboto oʼwin sundaka ta kïnosepoaton tïwoseʼnanotoʼkon po tïwòkunamatoʼkonʼme Opoto Papaʼwa. (Hebrews 10:24, 25) Erokon ro naʼna woseporïʼwa amumboro kïnïsan. Erokon poro naʼna kïnòmepano oʼto Opoto Papa Karetarï wïkarï poko, neiara iʼya òmepatoʼkon aʼkuru poko eropa tomamïrï ta.

Tïaʼropa pore neroten naʼna wòmepatoʼkon ta eta choʼmasan morokon toyuʼpomïngon eyusatomba, iʼmiakonïmbo womepatoʼkon ta toyuʼpomïngon èyukuru paʼme porero. Eyukusangon kïneyusaton. Ware maro wopekaʼno ke tïwòmeparïkon apoiʼpioaton, ijombo piaʼme eropa kïnetapuaton.

Jehoba poko Wòrupïatotome kapïn rorïpïo oyaʼta naʼna wòmeparïʼwa mïsapa. Paʼpororo amukon koʼmano naʼna. Apoʼnanokon epeʼma ma. Osepemapoʼparo eropa amumbo yakoro naʼna ma.