Miịn ipẹ yoor ropạm ghan bọ ituughạ ayoor. Wạ esi dị ropạm ghan ituughạ phọ dị etuman nyinhạ.

Abugbaanhaạn aZihova ropạm ghan ituughạ iyạl amem wiki phọ. (Hibru 10:24, 25) Mem dị ophạm ituughạ, romạgh ghan ni oomo awe mọ oru aani, kụ yoor rooḅeghiọn ghan idị aBaibul phọ aghaạph r’idị yoor kotue osighẹ itughemhị phọ ipẹ phọ oḍighinhom siẹn adọl aghuḍum mọ ayoor.

Ibadị amem siphẹ ituughạ phọ rongọ ghan ni eepoogh ḍita phọ oghaạph aani iyaạr, idiphọ roḍighi ghan bọ ruutu askul. Romiighom ghan kokureri torobọ ituughạ phọ r’aḍuọr ḅilhẹ r’iiḅereghị.

I/wạ mọ ḍighi oniin onyọ Ogbaanhaạn AZihova kụ agbi oghị aani ituughạ phọ. Yoor romạgh ni torobọ oye mọ aru aani. Ro/kpẹ ghan ikpoki kụ oḍigh. Ekpạ ro/kirom ghan.