“Zue Le Yereue!”
Kɔnvɛnsɔn Pya Ekeebee Jɛhova 2024
Naale elu etup a kpugi bah • Naale elu etɛrɛ kpugi fɛrɛ
Pio Nu Esudɔ
O’oo Deelookaɛ: Muɛ pya edoba a tɔgɛ kɔ le yereue akiiloo Jizɔs a le bu pya Kpa Le Yereue bee lu e’ɛma alu kaka nu a bee sira bu ye dum. Nɔ kɛ̄ pya e’ɛma a le bu Baibol ama i dap dɔbiī nɛ doo anii’ee.
Dee Nwīpinikaɛ: Ena a bee lu emɔmanudɛɛ̄ akiiloo mɛmɛā Jizɔs le ye tɔɔ̄dum doodoo nwiī a, e pya lo mɔmanudɛɛ̄ bee dooage gbɔ̄mɛɛ ni?
Deekaɛ: Bu ekɔaue taɛkɛ̄ a kɔ “Nu Anua Ii Le E’ɛrɛ Bɔɔ Loo Pɔrɔ Yereue,” nɔ nu anua gbɛnɛ-edo nɛɛ anii’ee gbī kɔ ba ele e bu kpoogaloo kere kɛ̄tɔɔ̄ nyɔuwe gaa agɛrɛbah gbedɛɛ̄.
Bii Si Ee
Eloh Akiiloo Esiatam Jizɔs: 1 Ekpokɛ̄
Kaāna Ɛɛdee Loo Nyɔuwe
A ɛrɛ gbɛnɛ-edo siranu alu nyɛŋia lo a yere nukuādɛɛ̄ loo tɔɔ̄dum Jizɔs sɔ̄ a bee le nwiī a nyɔɔ kɛnɛkɛ̄. Lo tuatua yɛɛ pya lo siranu na ye mɛmɛā. A ɛrɛ ziī mɛnɛ a gaa bee gbī efɛ ye, nyɔɔwo a bee lu esu ye kuma Ijipt. Sɔ̄ esaa, pya nu a bee kɔ sa doo bee lu nyɛŋia loo pya gbɛnɛ nɛɛ tɔgɛnu a bee le bu ye dee. Si ee pya nu ama le pya dɔɔ̄na nu a bee sira nyɔɔnɛ bu vidio a ɛrɛ baɛ gah lo elu ebira O’oo Deelookaɛ le Dee Nwīpinikaɛ.
Si ee pya vidio akiiloo i kɔnvɛnsɔn bu zua ama
Ena A Wee Lu Edoo Bie Pya I Kɔnvɛnsɔn A?
Gbītɛ̄ suā pya nu o dap ɛmadɛɛ̄ bie kɔnvɛnsɔn Pya Ekeebee Jɛhova.
Kɔnvɛnsɔn Pya Ekeebee Jɛhova Bu Zua 2024: “Zue Le Yereue!”
Muɛ pio nu i nɔ bie kɔnvɛnsɔn bu zua ama.
Nu I Muɛ Bu Bii Si Ee A Kura: Eloh Akiiloo Esiatam Jizɔs
Gbɛnɛ-edo nɛɛ suā kɛ̄ mɛmɛā Jizɔs bee lu nyɛŋia tam doo. Kerewo, pya amunu siranu na a bee sira lɛɛ Jizɔs gae mɛā le sɔ̄ a emɛā sah a?