Na o ka re . . . 

• Ee?

• Aowa?

• Mohlomongwe?

Seo Beibele e se bolelago

E re: “[Lahlelang] dipelaelo tša lena ka moka go [Modimo], gobane o a le hlokomela.” (1 Petro 5:7) Beibele e kgonthišetša gore Modimo a ka go thuša gore o imologe dipelaelong.

Ke eng se sengwe seo re ka ithutago sona ka Beibeleng?

• Ge o rapela, o ka hwetša “khutšo ya Modimo” yeo e fokotšago dipelaelo.—Bafilipi 4:6, 7.

• Go oketša moo, go bala Lentšu la Modimo go ka go thuša gore o swaragane le kgateletšego.—Mateo 11:28-30.

Batho ba bangwe ba dumela . . . gore dipelaelo le kgateletšego ke karolo ya bophelo, mola ba bangwe ba dumela gore ba ka imologa dipelaelong ka morago ga lehu ge ba tla be ba phela kae kae. Wena o nagana’ng?

Seo Beibele e se bolelago

Modimo o tla fediša dilo tšeo di bakago dipelaelo. Beibele e re: “Lehu le ka se hlwe le sa ba gona, le ge e le manyami goba sello goba bohloko di ka se hlwe di sa ba gona.”—Kutollo 21:4.

Ke eng se sengwe seo re ka ithutago sona ka Beibeleng?

• Ge Mmušo wa Modimo o tla be o buša, batho ba tla phela ka khutšo.—Jesaya 32:18.

• Dipelaelo tšeo di sa nyakegego le kgateletšego di ka se sa gopolwa.—Jesaya 65:17.