Ge Jesu a be a le mo lefaseng o be a bontšha batho lerato, kudukudu bao ba bego ba diila le bao ba bego ba tshwenyegile. (Mateo 9:36) Le gona o ile a neela ka bophelo bja gagwe gore a thuše batho. (Mateo 20:28; Johane 15:13) E se kgale, o tlo bontšha gape gore o rata batho. O tla dira seo ka go šomiša maatla a gagwe go fediša bodiidi ka moka mo lefaseng ka ge a tla be a le Kgoši Mmušong wa Modimo.

 Beibele e hlalosa ka mantšu a go kgahliša seo Jesu a tlago go se dira:

•   “Anke a lwele batho ba maemo a tlase setšhabeng. Anke a phološe barwa ba badiidi.”—Psalme 72:4.

 Re ka bontšha bjang gore re leboga dilo ka moka tšeo Jesu a re diretšego tšona le tšeo a sa tlago go re direla tšona? Go Luka 22:19, Jesu o boditše balatedi ba gagwe gore ba gopole lehu la gagwe. Ke ka lebaka leo ngwaga o mongwe le mongwe Dihlatse tša Jehofa di bokanago ga mmogo go gopola lehu la Jesu. Re go laletša gore o be le rena Segopotšong sa lehu la Jesu ka di 24 March 2024.

Hwetša Segopotšo