Ge Jesu a be a le mo lefaseng, o ile a bontšha gore o rata batho go fihla bokgoleng bja gore a ba hwele. (Mateo 20:28; Johane 15:13) Go se gokae o tlo bontšha gape gore o rata batho ka go diriša bogoši bja gagwe bjalo ka Kgoši ya Mmušo wa Modimo go “fediša dintwa lefaseng ka moka—Psalme 46:9.

 Bona kamoo Beibele e hlalosago ka gona seo Jesu a tlago go se dira:

•   “Ka gobane o tla phološa modiidi yo a mo kgopelago gore a mo thuše, Le motho wa maemo a tlase gotee le motho yo mongwe le yo mongwe yo a hlokago motho yo a mo thušago. O tla kwela motho wa maemo a tlase le modiidi bohloko, Gomme a phološa maphelo a badiidi. O tla ba phološa go batho bao ba ba tlaišago le bao ba ba swerego ga sehlogo.”—Psalme 72:12-14.

 Re ka bontšha bjang gore re leboga dilo ka moka tšeo Jesu a re diretšego tšona le tšeo a sa tlago go re direla tšona? Go Luka 22:19, Jesu o boditše balatedi ba gagwe gore ba gopole lehu la gagwe. Ke ka lebaka leo ngwaga o mongwe le mongwe Dihlatse tša Jehofa di bokanago ga mmogo go gopola lehu la Jesu. Re go laletša gore o be le rena Segopotšong sa lehu la Jesu ka di 24 March 2024.

Hwetša Segopotšo