Ke ka Baka La’ng o Swanetše go Rapela ka Leina la Jesu?
Karabo ya Beibele
Re swanetše go rapela Modimo ka leina la Jesu ka gobane ye ke tsela e nnoši yeo Modimo a e amogelago ya go Mo rapela. Jesu o itše: “Ke nna tsela le therešo le bophelo. Ga go yo a tlago go Tate ge e se ka nna.” (Johane 14:6) Le gona Jesu o boditše baapostola ba gagwe ba botegago gore: “Ruriruri ke re go lena: Ge e ba le kgopela Tate selo le ge e le sefe, o tla le nea sona leineng la ka.”—Johane 16:23.
Mabaka a mangwe a go rapela ka leina la Jesu
Re hlompha Jesu le tatagwe, Jehofa Modimo.—Bafilipi 2:9-11.
Re bontšha gore re leboga lehu la Jesu ka ge e le tokišetšo ya Modimo ya go re phološa.—Mateo 20:28; Ditiro 4:12.
Re lemoga boemo bja moswananoši bja Jesu bja go ba Mmoelanyi magareng ga Modimo le batho.—Baheberu 7:25.
Re hlompha tirelo ya Jesu bjalo ka Moperisita yo a Phagamego yoo a ka re thušago gore re be le boemo bjo bobotse le Modimo.—Baheberu 4:14-16.
You May Also Like
DIPOTŠIŠO TŠA BEIBELE DI A ARABJA
Na ke Swanetše go Rapela Bakgethwa?
Ithute gore Beibele e reng ka motho yoo re swanetšego go mo rapela.
MOROKAMI
Ke ka Baka La’ng re Swanetše go Rapela ka Leina la Jesu?
Bošegong bja gagwe bja mafelelo a le mo lefaseng, Jesu o ile a bula tsela e mpsha ya go boledišana le Modimo.
MOROKAMI
O ka Rapela Bjang Gore Modimo a kwe Dithapelo tša Gago?
O ka rapela Modimo nako e nngwe le e nngwe, go sa šetšwe gore o gokae. O ka mo rapela ka go hlaboša goba wa mo rapela ka pelong. Jesu o re thušitše go bona gore re ka rapelela eng.
DITHUTO TŠA BEIBELE
Leka Thuto ya Rena ya Beibele
Ithute Beibele mahala o thušwa ke motho yo mongwe.