TSA GO GELEPA MUTŠI | BABELEGI
O ka Maka Byang Gore o be Papa wa Gabutši?
Mmereko wa papa king ka ho mutšing?
Mo ngwanago a soko bane a belegiwa. Monna ye o leng yene gana byalo o šupetsa gore o nyoko ko ba papa wa mošaga mang ka nthago. Puku ya gore Do Fathers Matter? yi re:
“Papa wa gore o gelepa mosadi wage wa gore o yimme go reka dilo, a fela a mo felegetsa ga togotela a ye bona ngwana wa gore aa soko belegiwa ka motšhene kela go theetsela mo pelo ya ngwana yi kene yi teya, papa wa mošaga wone o nyoko pasopa mosadi wage le ngwanage mo a šele a belegiwwe.”
“Nakwela mosadi waka a yimme ne ke sa nyake a tikwa nkare o ntoši, ne ke maka so ke se kgonang gore ke mo gelepe. Ne re lukisa le kamara ya ngwana re le ka babedi. Ne go le selo sa go re jabodisa re le ka babedi mo re kene re lukiselela ngwana wa rune wa gore o sa tla.”—James.
Tšhiko ya Bhayibele: “Mo le kene le sa nyake tsa go fo jabodisa lune le ntoši mara le nyaka le tsa go jabodisa ba bangwana.”—Mafilipi 2:4.
Ka nthago ga mo ngwanago a belegiwwe . O ka maka gore leseya lone le go tlwayele ka go kgana nalo le go dula o le kakodiye. Tšhela letsogo ga taba ya go le pasopa. Tsotsone o di makang di nyoko kutšetsela ka mokgo ngwanago a nyoko golang ka gona. Senghana so o se makang se šupetsa gore o tseyela ngwanene gedimo.
“Tilekanise naye. Kgana naye. Kgana kgana tsa go tshegisa naye. O sa dule o teyye mokgakga. O sa lebale gore ke wene motho wa mathomo ye o tshwaneleng o šupetse ngwanago gore o mo nyaka ka matla.”—Richard.
Tšhiko ya Bhayibele: “Bana ke phahlo ya go tšwa ga Jehova, seyengwa sa popelo ke so motho a rufiwang ka sona.”—Pisalema 127:3, Setwaba.
Mo ngwanago a kene a gola. Tso di ka nyakolliwa di šupetsa gore bana ba gore ba tlwayelanne le bopapa ba bona ba hlalefiye sekolong, a ba be le tsa go tlala tsa go ba kgahleletsa, a ba tle ba kena ka hlogo ga mokgete, didraksi kela go woma dihlogo. Tiphe nako ya go dula fase o tlwayelane le ngwanago gabutši.
“Morwayi waka o mputsiye so a nyoko se hlologelang mo a šele a sa sa dula le rune, go leng go fokatsa naye mo re kene re sepela mayeto ya go lefa ka koloyi kela ka nako ya ledhina. Tse dingwana tsa go jabodisa tso ne re bolabodisana ka tsona ne di fo titlela. Ne di tla ka taba la gore ne re fetsa nako ya go tlala re le ggoši .”—Dennis.
Tšhiko ya Bhayibele: “Le pasopeneng gore le sa make dilo go tshwana le batho ba go sa hlalefa mara le di make go tshwana le batho ba gore ba hlalefiye, le berekiseneng nako ya lune gabutši.”—Maefeso 5:15, 16.
Papa aa tshwane le ba bangwana ba ka ho mutšing ka mokgo mang?
Ka setšo, bopapa ba ba tseya go le batho ba gore di nyaka ba berekele ba mitši ya bona ba kraye tsa go ja le tse dingwana fote ba make gore ba dule ba pasopegiye, ka nthoko ye nngwana bommane bona ba lebelela tso ba ka mutšing ba di gayelang. (Dotoronoma 1:31; Jesaya 49:15) Go go nngwana a di be ka mokgonone, mitšing ye mengwana o kraya papa a maka mmereko wa mmane kela mmane a maka tso di tshwaneleng di make ke papa. Le mo go ke ka mokgonone, bo ba go nyakolla ba hlaya gore bopapa le bommane ba tšhela letsogo ka mekgwa ya go sa tshwane gore ba pasope ba mutši wa bona. a
Ye mongwana wa go nyakolla tsa mitši ye ba reng ke Judith Wallerstein o re yedisa taba yowa ka go re botsa tso di mo makegeleng. O ngwadiye gore: “Mo morwediya waka wa go na le 12 ya mengwaga a tšhayisa ke koloyi, ne a nyaka gore papage a sepele le yene ka ambholense ka gore ne a mo tshepa gore o nyoko mo pasopa. Ka nthago ku sepetlele ne a nyaka nna gore ke dule ho thoko ga mpeto wage gore ke mo tiyise.” b
“Papa a ka gelepa mutši wage gore o dule o pasopegiye fote wo mamarelanne mara tsotsone ga mmane go ba ntshitshiri gore a di make a ntoši. Mara mmane yene o gelepa bananyana bage gore ba tikwe gore o ba nyaka ka matla fote wa ba kwisisa. Ba le ka babedi ba berekisana.”—Daniel.
Tšhiko ya Bhayibele: “Theetsela, morwayi mo papago a go wolola, o sa wo phayele thoko molawo wa mmane wago.”—Diyema 1:8.
Bopapa le barwediya
O le papa o tšhutisa morwediya wago gore di nyaka a tshwariwe byang ke monna. O tšhuta tsotsone ka ditsela ka dipedi:
Ka tsela yo o tshwarang mmane wage ka gona. Mo o nyaka mosadi wago ka matla o boya o mo hlompa, morwediya wago o kene o lebelele mekgwa yone ya gabutši ya gore yi nyoko tla yi mmerekela mo a šele a kgeta ye a nyoko šadhang naye.—1 Petro 3:7.
Ka tsela yo o mo tshwarang ka yona. Mo o šupetsa morwediya wago gore wa mo hlompa o mo tšhutisa gore le yene mong a titshware gabutši. Fote o mo tšhutisa gore a letele gore banna ba bangwana ba mo tshware ka tsela yonone.
Mo re beyisa, mo o fo poyilanya morwediya wago tsotsone di maka gore a tikwe a se na mokgola fote a ka ya ga banna ba bangwana gore ba mo thege, banna ba gore ba nyoko mo kutšetsela tsa go befa.
“Morwediya wa gore papage o mo nyaka ka matla fote wa mo thega aa fo tseya tseyega mara o lebelela gabutši mo a šele a nyoko kgeta ye a ko šadhang naye gore o na le mekgwa ya gabutši naa.”—Wayne.