Jeso ne a le Byang?
Phetolo ya Bhayibele
A go na ye a napang a tšiba gore Jeso ne a le byang ka taba la gore Bhayibele a yi hlatolle. Sowa se re šupetsa gore ka mokgo Jeso ne a le ka gona a go nape go ba taba ye kgolo ya gore di nyaka re yi tšibe. Mara Bhayible yi re hlayisela ka go nyana ka mokgo ne a le ka gona.
Ka mokgo ne a lebelelega ka gona: Jeso ne go le Lejuda, fote di ka makega gore ne a yelana le mmane wage mo sefahlegong. (Maheberu 7:14) A di šupetse nkare ne a fapanne le mmane wage ka matla. O yye a kgona go tloga Galeliya a ya Jerusalema, go se na ye a kgonang go mmona gore ke Jeso. (Johane 7: 10, 11) Fote mo a na le mapostola yage, ke mo ba sa nape ba fapana ka matla. Sosone re se bona ka gore Judase Iskariyoti o yye a ya a šupetsa mogoba wo ne wo nyoko mo tshwara, gore Jeso ke mofeng wa gona.—Matewu 26:47-49.
Moriri: Di ka makega gore Jeso ne a na le moriri wo mo kopana ka taba la gore Bhayibele yi re “ka hlago monna wa go ba le moriri wo motelele wa tipoyila.”—1 Makorente 11:14.
Makgakga: Jeso ne a na le makgakga. Ne a latelela molawo wa Majuda wa gore ne wo re banna ‘ba sa kupe makgakga.’ (Lefitiko 19:27; Magalata 4:4) Fote Bhayible yi hlayye go sa le botala gore o nyoko ko ba a na le makgakga mo a hlupegisiwa.—Jesaya 50:6.
Mmele: Di šupa nkare Jeso ne go le motho wa go tiya. Nakwela a tšhomayela, o yye a sepela ga gore go lefiye ka matla. (Matewu 9:35) O yedisiye tempele ya Majuda gabedi, a phendulanya ditafola tsa bo ne ba rekisa, fote o yye a ntsha diphoolwane tempeleng a berekisa sebepu. (Luka 19:45, 46; Johane 2:14, 15) McClintock and Strong’s Cyclopedia yi re: “Dilo ka mokana ga tsona tso re di balang ga Matewu, Mareka, Luka le Johane di re šupetsa gore Jeso ne go le monna wa go tiya fote a philegiye.”—Volume IV, lephephe 884.
Sefahlego: Jeso ne go le motho wa go loka le wa go kwelana go baba, di ka makega gore le mo sefahlegong ne a bonala go le motho wa go kwelelana. (Matewu 11:28, 29) Batho ba mehlobohlobo ne ba ya gage mo ba nyaka go kgomoletsiwa le go gelepiwa. (Luka 5:12, 13; 7:37, 38) Le mong bananyana ne ba kwana naye.—Matewu 19:13-15; Mareka 9:35-37.
Ka mokgo batho ba naganang gore Jeso ne a yemegiye ka gona
Tso ba di naganang: Ba bangwana ba re Jeso ne go le motho ye mo phifadiu ka taba la gore puku ya Kutullo yi re moriri wage ne wo tshwana le wulu fote mawoto yage ne ma tshwana le “koporo ya go gadima.”—Kutullo 1:14, 15, The New Jerusalem Bible.
Nnete: Puku ya Kutullo ne yi bolabola “ka mešupetso.” (Kutullo 1:1) Ka mokgo Kutullo yi bolabolang ka moriri le mawoto ya Jeso, ne yi bolabolela mokgwa wa motho ye ne a nyoko ba yene ka nthago ga gore a tsusiwe, ne yi sa hlatolle ka mokgo ne a le ka gona nakwela a le ho lefaseseng. Mo Kutullo 1:14 yi re “hlogo yage le moriri wage ke mo go le tse ditšhwewu go tshwana le wulu ye tšhwewu,” ne yi sa bolabole ka gore wo ghwannye go segela kaye mara ne yi bolabola ka khala ya moriri wage. Khala yowa ye tšhwewu yi šupetsa gore ke ye mogolo fote o hlalifiye. (Kutullo 3:14) Temanyana yowa a yi hlayi gore moriri wa Jeso ke mo wo tshwana le wulu ka go ghwanya, go tshwana le ka mokgo yi wo tshwanisang le kapoko ka botšhwewu.
Mawoto ya Jeso ne nkare ke “koporo ya go gadima mo yi tšhubiwa.” (Kutullo 1:15) Fote mo sefahlegong “ke mo a tshwana le letšatši la gore le khannye mong go khanya.” (Kutullo 1:16) Ka taba la gore a go na batho ba go tshwana le dikhala tso go bolabodiwweng ka tsona ga mesupetso yowa, mmono wowa go fo ba wa go tshwanisela, wa go šupetsa Jeso wa gore Modimo o mo tsusiye go le motho wa go “dula ga poleke ya gore yi khanya ka matla ya gore a go na ye a ka šutelang ga yona.”—1 Thimothi 6:16.
Tso ba di naganang: Jeso ne a sa tiyelela fote ne a lelemela.
Nnete: Jeso ke mo a šupetsa gore ke yene monna. Mo re beyisa, nakwela mogoba wa gore ne o tshwere dilo tsa gore ne di ka mo kwaletsa wo nyoko mo tshwara, o yye a šišimala a ya gore ba ye mo tshwareng. (Johane 18:4-8) Fote di šupa nkare Jeso ne go le monna wa go tiya ka taba la gore ne a bereka ka maplanka a kakola metšhenetšhene ya go roba.—Mareka 6:3.
Byalo ke ntaba a yye a hloka thušo gore a rwale phate yage ya mohlupego? Fote ke ntaba a yye a yakgoswa a kgwa a shiya dikgohlane tsela tse dingwana tsa gore ne ba mmolaya natso? (Luka 23:26; Johane 19:31-33) Mo Jeso a soko kgwa ne a lelemela. Ne a sa yetsela bošego bya malobana wa gona ka taba la gore ne go na le tsa go mo hlupa mo monaganong. (Luka 22:42-44) Fote bošego bya letšatsi la go latela, Majuda ma yye ma mo tshwara lešidi, ke mokane ka bošego Maroma ma mo hlupegisa. (Matewu 26:67, 68; Johane 19:1-3) Dilo tsa go tshwana le tsowa di ka fo ba di makiye gore a yakgoswe a hlokofala.
Tso ba di naganang: Jeso ne a dula a tubiye kela a kwatiye.
Nnete: Jeso ne a na le mekgwa ya go tshwana le ya Papage wa ku legedimong Jehova, wa gore Bhayibele yi mo hlatolla go le “Modimo wa gore o jabodiye.” (1 Thimothi 1:11; Johane 14:9) Gabutšibutši, Jeso o yye o tšhutisa ba bangwana gore ba ka maka ying gore ba dule ba jabodiye. (Matewu 5:3-9; Luka 11:28) Sowa se re šupetsa gore Jeso ga go tlala ne go le motho wa gore o šupetsa a jabodiye.
Le Tso di ka fo go Jabodisa
ESSENTIAL BIBLE TEACHINGS
Re ka Tshepa ka Ying Gore Baebele yi Bolabola Nnete?
Mo nkare Baebele yi ngwadiye ke Modimo, yi ka sa tsoge yi tshwanne le dipuku tse dingwana.
KA RUNE
Kgopela go Tšhutisiwa Baebele
Tšhutisiwa ditaba tsa ka Baebeleng ka nako yo o e nyakang le polekeng yo o e kgetiyeng.