Awwa. Mo go pombhodiwa mangwalo ya botala ya Bhayibele, re kraya gore a sanka ma tšhentšhiwa le mo yi le gore go fitiye mengwagangwaga ma kene ma kopulliwa gedimo ga dilo tsa gore di ya sinyega.

 Go yye gwa krayega mangwalo ya go tlala ya botala ya Bhayibele. Ya mangwana ya wona ne ma sa tshwane ka taba la gore go tšhentšhiwwe tse dingwana mo ma kene ma kopulliwa. Tse dingwana tsa tsona ke tse di nyana fote a di tšhentšhi tso yi di bolabolang. Le mo go le ka mokgonone, tse dingwana tsa tsona tsa gore a di tshwane di šele di krayiwwe, tse dingwana tsa tsona tsa gore ke botala ka matla ba kene ba leketsa go di tšhentšha ga molayetsa wa Bhayibele. Bona mešupetso yewa ka mmedi ša:

1.   Ga Johane wa mathomo 5:7, hlatollo ye nngwana ya botala ya Bhayibele yi na le mantsu ya gore: “ku legedimong, Papa, Lentsu le Moya wa go Hlawolega: fote dilo tsowa ka diraro ke selo ka ssoši.” Mara, mangwalo ya gore maa tshepega ma hlaya gore mantsu ya nane ne ma se šiyo ga tso ne di ngwadiwwe mathomisong. Ma yye ma tšhediwa ka nthago. a Le mo go le ka mokgonone, hlatollo ya Bhayibele ya gana byalo yi ma ntshiye.

2.   Lebitso la Modimo le nyarela ga tlele ga mangwalo ya botala ya Bhayibele. Mara, dihlatollo tsa go tlala tsa Bhayibele di berekisiye mabitso ya go tshwana le “Morena” kela“Modimo.”

 Gana byalo, bo ba go kopulla ba krayye mokgwa wa gore wo lula wa go bona tsa gore a yi tsona go phala mathomisong. b Ka mokgo go yyeng gwa pombhodiwa mangwalo ka gona, so sone se re botsa ying ga taba ya gore so Bhayibele yi se bolabolang lekgono ke nnete?

•   Mo go tliwa tabeng ya Mangwalo ya Seheberu (ya ma bitsiwang gore ke “Testamente ya Botala”), yewa wa go tšhutega ye ba reng ke William H. Green o hlayye gore: “O ka bolabola o sa kamake gore tso di ka kopulliwa ga mangwalo ya botala ke mong yona nnete.”

•   Mo go bolabodiwa ka Mangwalo ya Segerika, kela “Testamente ya Nyuwane,” yewa wa go tšhuta Bhayibele ye ba reng ke F. F. Bruce o ngwadiye gore: “Tso di ka ngwadiwa ga Testamente ya rune ya Nyuwane di phala tso tsa gore di yye dya kopullwa ke bala ba botala, a gona le ka wweši wa gore a ka yi kamaka gore so yi se bolabolang ke nnete.”

•   Morena Frederic Kenyon, wa go tšiba ka matla tso tsa go kopulliwa tsa mangwalo ya Bhayibele, o hlayye gore “motho a ka tshwara Bhayibele a hlaya gore lowa ke Lentsu la Modimo la mannete a sa kamake le ka go nyana, la gore le fitisediwwe ga ditlugolo go ya ga ditlugolwane le le ka mokgo le leng ka gona le mo go fitiye mengwagangwaga.”

•   Majuda le Makreste ka moka ya ne ma kopulla, ma ngwadiye ka dilo ka moka tsa go kekema tso batho ba Modimo ba di makiyeng. c (Dipalo 20:12; 2 Samuwele 11:2-4; Magalata 2:11-14) Le mo go le ka mokgonone, a sanka ba tlusa ditemanyana tsa go šupetsa gore Jehova o yye a yahlula majuda ka taba la go sa theetsele, le tsa go bolabola ke batho ba go fo tikhandela dilo tsa go fo tikela ku. (Hoseya 4:2; Malaki 2:8, 9; Matewu 23:8, 9; 1 Johane 5:21) Bo ba go kopulla mangwalo ba yye ba kopulla dilo tsa gore ke tsona fote ba yye ba šupetsa gore baa tshepaga, mo go tliwa ga Lentsu la Modimo la go hlawolega.

•   Nje a di lekgwaying tsa gore Bhayibele ke lentsu la gore le butšwelele ke Modimo la gore le ya tshepega? d (Jesaya 40:8; 1 Petro 1:24, 25) Le mo go le ka mokgonone, aa yi makela batho ba botala fela mara o makele le rune gore yi re berekele lekgono. (1 Makorente 10:11) Gabutšibutši, “Dilo ka mokana ga tsona tso di ngwadiwweng botala, di ngwalediwwe gore di thogo re yetetsa, gore mo re kene re tiyisele fote re kgomoletsiwa ka Mangwalo, re thogo ba le tshepo.”—Maroma 15:4.

•   Jeso le bo ba mo latelelang ba yye ba bolabola ka Mangwalo ya Seheberu ya botala, ba sa belayele gore ne go le nnete go segela kaye.—Luka 4:16-21; Mebereko17:1-3.