Tsowa di Hlatolla ke Matewu 24:1-51
-
TSO RE NYOKO BONANG KA TSONA GORE KRESTE O SEGELE (1-51)
-
Dintwa, tsa go ja di nyoko gayela, lefase le nyoko tekateka (7)
-
Ditaba tsa go bafala di nyoko sabalatsiwa (14)
-
Motšhatšhamelo wo mogolo (21, 22)
-
Tso re nyoko bonang ka tsona mo go tla Morwayi wa motho (30)
-
Mohlare wa mago (32-34)
-
Go fo tshwana le ka dinako tsa Nnowa (37-39)
-
Dulaneng le hlahlamme (42-44)
-
Lelata la go tshepega le la pelo ye phifadu (45-51)
-
24 Byalo mo Jeso a tšwa tempeleng, malata yage ma mo šutelela ma mo šupetsa meyago ya tempele.
2 Mo a ba fetola a re: “Anthe a le di bone dilo tsowa? Nnete ke ya le botsa, a go na letlapa lo ba nyoko le lisetsang le le gedimo ga le lengwana ba sa le bošela fase.”
3 Mo Jeso a duli Thabeng ya Diolivi, malata yage ma yye ma tla gage, ma re: “Re botse gore dilo tsowa di nyoko makega leng, fote re nyoko bona ka ying gore o segele* le gore go šele go le dinako tsa mafelelo?”*
4 Mo Jeso a fetola a re: “Le pasopeneng ba sa le tshokanye,
5 ka taba la gore ba go tlala ba nyoko tla ka lebitso laka, ba re, ‘Ke nna Kreste,’ fote ba nyoko tshokanya ba go tlala.
6 Le nyoko kwa ka dintwa, fote ba nyoko le botsa ka tsona. Le sa tšhogeneng ka taba la gore dilo tsowa di tshwanele di makege, mara a go soko ba mafelelo ya lefase.
7 “Setšhaba se nyoko lwa le setšhaba se sengwana, le mmušo wo nyoko lwa le mmušo wo mongwana, tsa go ja di nyoko gayela fote ga dipoleke tsa go tlala lefase le nyoko tekateka.
8 Dilo tso ka mokana ga tsona ke go thomisa ga dinako tsa go baba ka matla.*
9 “Ke mokane batho ba nyoko le hlupegisa fote ba nyoko le bolaya, le nyoko hloya ke ditšhaba ka mokana ga tsona ka taba la lebitso laka.
10 Ba go tlala ba nyoko phiriketsega, fote ba nyoko rekisana, ba boya ba hloyanana bona beng.
11 Go nyoko nyarela baporofeta ba go tlala ba matsaka, ba nyoko tshokanya ba go tlala;
12 fote ka taba la gore dilo tsa go befa di fo ya di yeketsega, ba go tlala ba ka sa sa nyakanana.
13 Mara ye a tiyiselang go segela mafelelong o nyoko phonisiwa.
14 Ditaba tso tsa go bafala tsa Mmušo di nyoko sabalatsiwa lefaseng ka mokana ga lona, gore ditšhaba ka mokana ga tsona di thogo bona, ke mokane lefase le nyoko fela.
15 “Byalo, go ya ka mantsu ya Modimo a ma bolabodiyeng a berekisa moporofeta wage Daniyele, le nyoko bona dilo tsa go silikisa tsa gore di sinya dilo ka mokana ga tsona, ga poleke ya go hlawolega (ye a balang a berekise monagano),
16 ke mokane bo ba leng Judiya ba thomise go tšhabela dithabeng.
17 Motho ye a leng gedimo ga ntlo a sa phologe a re o tl’le tseya se sengwana ka ntlong yage,
18 fote le motho ye a leng ku tšhomong, a sa sologe a ye tseya kobo yage ya ka tawong.
19 Ye a ko bang a yimme le ye a ko bang a yangwisa ka nako yonone, o ko tikweleng!
20 Ariyeneng mahlong le rapela gore le sa tikraye le tšhaba ka marega kela ka letšatši la Sabatha;
21 ka taba la gore go nyoko ba le motšhatšhamelo wo mogolo, wa gore a wo soko ba gona go tlugisela lefase le ba gona fote o ka sa sa ba gona le ka letšatši la mohlolo.
22 Gabutšibutši, mo matšatši yane ma ka sa pumiwi, aa šiyo ye a nyoko phonang; mara ka taba la bo ba hlawodiwweng, matšatši yane ma nyoko pumiwa.
23 “Mo ye mongwana a ka fo re ga lune, ‘Kreste ke yewa,’ kela a re, ‘Ke yela!’ le sa mo tshepe.
24 Ka taba la gore go nyoko ba le bo ba timakang Kreste le baporofeta ba matsaka ba go maka mehlolo gore ba thogo le woka, mo go kgonega, ba woke le ba go hlawolega.
25 Nna ke le pasopisa go sa le nako.
26 Byalo, mo batho ba re ga lune, ‘Kreste ke yela ku mašahleng,’ le sa ye; le mo ba re ‘Ke yela ku teng ga ntlo,’ le sa ba tshepe.
27 Go segela* ga Morwayi wa motho go nyoko fo tshwana le mo legadima le nyarela ka bohlabela ke mokane le bonala le ka ku bodikela.
28 Mo go nang le setopo, o ko bona ka dinonyane tse dikgolo tsa go tshwana le manong.
29 “Ka nthago ga matšatši yane ya motšhatšhamelo, letšatši le nyoko fifala fote le ngwedi wo ka sa sa khanyisa, dinanedi di nyoko fegologa ku legedimong ke mokane dilo tso di leng magedimong di nyoko šikinyega.
30 Ku legedimong go nyoko nyarela sa go šupetsa gore Morwayi wa motho o segele, ke mokane meloko ka mokana ga yona yi nyoko hlagasela ka taba la go tšhoga, fote yi nyoko bona Morwayi wa motho a tla ka maru ya legedimong a na le matšhika fote a gadima ka matla.
31 Go nyoko lla porompeta, ke mokane Morwayi wa motho o nyoko roma mangeloyi yage ga mahlaya ka mane gore ma kgobaketse bo ba hlawodiwweng, go tlugisela mo legedimo le felelang gona go segela mo lefase le felelang gona.
32 “Byalo tšhutaneng ga mošupetso wowa wa mogo: Mo le thomisa go bona makala ya nyuwane ma hloga matlakala, le šele le ya di tšiba tsa gore selemo se ya šutela.
33 Le lune mo le bona dilo tso ka mokana ga tsona di makega, le tšibeneng gore Morwayi wa motho o šele a le thina.
34 Nnete ke ya le botsa gore moloko wowa wo ka sa fete dilo tsowa di soko makega.
35 Legedimo le lefase di nyoko fela mara mantsu yaka ma nyoko fo dula ma le gona.
36 “A go na ye a tšibang gore dilo tsone di nyoko makega leng, le mangeloyi ya legedimong le mong Morwayi a ba di tšibi, mara go tšiba Papa a ntoši.
37 Go tla ga Morwayi wa motho go nyoko fo tshwana le ka dinako* tsa Nnowa.
38 Ka taba la gore le ka dinako tsa Nnowa mo go soko segela Mogogola, ne go jiwa fote go nwiwa, banna ba šadha le basadi ba tseyiwa, go segela ka letšatši lo Nnowa a kenneng arekeng ka lona,
39 ke mo go se na so ba se tseyelang hlogong, gwa šinya go segela Mogogola, wa ba suwela ka mokana ga bona, le go ba gona ga Morwayi wa motho go nyoko fo ba ka mokgonone.
40 Banna ka babedi ba ko ba ba le tšhomong; ye mongwana ba nyoko mo tseya, ye mongwana ba nyoko mo šiya.
41 Basadi ka babedi ba nyoko ba ba šila ka lwala; ye mongwana ba nyoko mo tseya, ye mongwana ba nyoko mo šiya.
42 Byalo, dulaneng le hlahlamme ka taba la gore a le tšibi gore Morena wa lune o nyoko tla leng.
43 “Mara le tšibeneng taba ye nngwana ke yowa: Hala mong wa mutši a di tšibiye gore wa go yetswa o nyoko segela leng,* ne a nyoko fo dula a hlahlamme fote ne a ka sa dumele gore motho yene wa go yetswa a kene ntlong yage.
44 Byalo, le lune le šupetseneng gore le hlahlamme, ka taba la gore Morwayi wa motho o nyoko segela ka nako yo le sa yi naganang.
45 “Ke mang lelata la go tshepega la gore fote le hlalefiye, la gore mong wa lona o le neyye mmereko wa go pasopa malata yage, le gore le ma tsholele tsa go ja ka nako ya gona?
46 Go jabola lelata lone la gore mo mong wa lona a segela o le kraya le maka mmereko wo a le neyyeng wona!
47 Ka nnete ke ya le botsa, mong wa lona o nyoko maka gore le lawole dilo ka mokana ga tsona.
48 “Mara mo lelata lone le ka ba le pelo ye phifadu, la tipotsa gore, ‘Mong waka wa diyega,’
49 ke mokane la thomisa go teya dibereki tse dingwana, fote la ja la boya la nwa le ba go tlayila,
50 mong wa lelata lone o nyoko segela ka letšatši la gore lelata lone le ko ba le sa tilibele le ka nako ya gore ne le sa yi nagana,
51 o nyoko le wolola tse dingwana tsa go sa hlayisege, mo a fetsa a le beya ga bala ba go timakisa. Gana hone le nyoko gotla fote la loma le meno.
Ditwaba
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
^ Gabutšibutši ke “lešoko la go tshwara mosadi wa gore o thina le go belega.”
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
^ Kela “ka nako mang.”
