Iye. Siyakholelwa kuJesu owathi: “Mina ngiyindlela, neqiniso, nokuphila; akakho noyedwa ozakuya kuBaba ngaphandle kwami.” (Jwanisi 14:6) Sikholelwa bona uJesu weza ephasini avela ezulwini begodu wanikela ngokuphila kwakhe okupheleleko njengomhlatjelo wesihlengo. (Matewu 20:28) Ukufa nokuvuswa kwakhe kwakwenza kwakghoneka ngalabo abakholelwa kuye ukufumana ukuphila okuphakade. (Jwanisi 3:16) Godu sikholelwa nokuthi nje uJesu ubusa njengeKosi yomBuso kaZimu wezulwini, ozokuletha ukuthula kilo loke iphasi kungasikade. (IsAmbulo 11:15) Nokho, uJesu simqala ngendlela naye ngokwakhe ebekaziqala ngayo nakathi: ‘UBaba mkhulu kunami.’ (Jwanisi 14:28) Yeke asimkhulekeli uJesu, njengombana singakholelwa ukuthi unguZimu uSomandla.