“Maraman kaka indok namarakean ani Satan.”—1 Jon 5:19, Niu Wol Translesen.

“Ke Natin Nasum inda ingka pawo mbuel nawohiaen ean ani Satan.”—1 Jon 3:8.

Hila iak ingka kopa ata mbukin ingka naheve imboha mbaam narong tatahean maraman einga.—Revelesen 12:12.

Hila iak ingka kopa loo ata ingka Nasum ati pawo maraman einga para ambo.—1 Jon 2:17.

Ia, nambiteren nale amban eindok:

• Namarakean ani Satan, teno konda namatapangon. Ke Yehov mbetong ingka pawo mbuel namarakean ani Satan. Te mbetong ingka “pawo mbuel . . . nakasuen ani Satan.” Ne pamala ambo maraman einga para ambo mbiloh.—Hibrus 2:14, Niu Wol Translesen.

• Nasum matadoa i Yesu ingka pa maramar maraman einga. Na maramar ean ani Yesu ngaka ambot na maramar ean ani Satan. Ke Satan maramar nahian ara kenini ati a masaun, ne nokombo ingir alam mbikin na at amban. Nasum mbetong, namaramarean ani Yesu ingka: “Kenini pavaam nadodomean indim na atewuel nale amban ne na-at amban ara teringir ihe, . . . amban ara rinokondong inir aha namel naete kaka amban, kenini pawatelu ane imbo mbe ir inir.”—Ol Sam 72:13, 14.

• Nasum teno lelem ihe. Natus-Atam mbetong herek ingka: “Nasum teno lelem ihe.” (Hibrus 6:18) Ara ke Yehov no midodo ingka pawo naloisi amban, saratirang naloisi amban einga ripura rimah hinek ara kenini mbetong! (Aesea 55:10, 11) “Nasum pawo mbuel nakasuean ani Satan ara no maramar maraman einga.”—Jon 12:31.