“Nadolo isi amban ara rindok Natus-Atam imelen Nasum.”—2 Timoti 3:16, Niu Wol Translesen.

Hila iak ingka kopa ata navasandara ean na viawoean wilelem amban.—Ol Proveb 2:1-5.

Hilak iak ingka Natus-Atam pamarakiak saratirang.—Ol Sam 119:105.

Hila iak ingka kopa huwok namindondoean amaing na aur awoh ara nokonda.—Rom 15:4.

Ia, nambiteren nale amban eindok:

• Nadolo anini amban ri mbilitek awoh. Na-at rimina 40 ara rimindiri Natus-Atam, ila nahiko na 1,600 ara rimindiri Natus-Atam kaka. Naeteisi einga rimair namoho kaka kaka amban. Nalopal ara indingka, nadolo isi Natus-Atam mbilitek mbukin ne ri mbetong nale sikitek ati.

• Mbetong nalowohean saval navakamatuean. Na aur ara na-at amban rimindiri soki navakamatu a na-at an, saratirang rino mbetong sai naloisi awoh ati ara na-at oka imbohe. Keni Natus-Atam kaka. Na-at amban ara rimindiri Natus-Atam, rimindiri soki naloisi-isi ara rimbo, nalopal ingka ambo ne te ambo ihe. Ne rimindiri soki navahiliean a nati kihaniar.—2 Kronikel 36:15, 16; Ol Sam 51:1-4.

• Saratirang navetong saian anini inda no mbiloloman. Natus-Atam te mbetong sai enov nahiko na 200 ingka Babilon pawuel. (Aesea 13:17-22) Ne te mbetong ati ingka namoho oka pawuel ihe. !Keni mbetong sai nakihan na-at ara pa merimatu Babilon e! —Aesea 45:1-3.

  Mbaam navetong saian kaka amban an ara Natus-Atam mbetong sai, mbetong sara naloisi wiririk ara rumo onda rima. Ne saraloisi wiririk amban einga terima enov. Naloisi isi amban einga mbihek ingka Natus-Atam mi Nadolo a Nasum.—2 Pita 1:21.