HŪHŪ HE TAU FUATA
Ko e Ha ne O Atu ke he Tau Feleveiaaga he Fale he Kautu?
Lagaua he faahi tapu ne taute e tau feleveiaaga he Tau Fakamoli a Iehova ke he tau Fale he Kautu. Ko e heigoa ne taute i ai, mo e aoga fēfē kia koe ka fano ki ai?
Ko e heigoa ne tupu he Fale he Kautu?
Ko e Fale he Kautu ne fakaako e tau fakaakoaga he Tohi Tapu. Ko e tau feleveiaaga nei ke lagomatai a koe:
fakaako e tala mooli hagaao ke he Atua.
ke maama e kakano ne tutupu e tau mena mogonei.
ke mahani mitaki.
moua e tau kapitiga uho.
Iloa nakai e koe? Kua fakahigoa he Tau Fakamoli a Iehova e fale ke feleveia ko e Fale he Kautu, kakano kua fakaako tumau i ai ke he Kautu he Atua.—Mataio 6:9, 10; 24:14; Luka 4:43.
Ko e ha ne lata a koe ke fano ki ai?
Ko e fakaakoaga ka lagomatai a koe. Ko e tau fakaakoaga he Tohi Tapu ne fakatutala he tau feleveiaaga he Tau Fakamoli a Iehova, ka lagomatai ke “moua e koe e pulotu.” (Tau Fakatai 4:5) Maeke mooli he Tohi Tapu ke lagomatai a koe ke taute e tau fifiliaga mitaki he moui. Lagomatai foki a koe ke he tali he tau hūhū aoga lahi he moui, tuga:
Ko e falu lauga he matahiku he faahi tapu hanā i lalo:
Aoga Nakai a Koe Mai he Tau Foakiaga ha Iehova?
Eke a Iehova mo Taue Malolō Haau.
Tokiofa Haau a Tuaga i Loto he Fakatokatokaaga he Kautu.
“Hau e kapitiga aoga haaku ke he taha he tau feleveiaaga. Nofo a ia mo e magafaoa haaku, mo e totou auloa he tau tohi. He magaaho ne oti, ne pehē a ia kua fiafia lahi a ia he fanogonogo ke he tau tali he tau tagata. Pehē foki a ia, nakai fai tohi fakaako e tapu haana ke tuga ha tautolu.”—Brenda.
Iloa nakai e koe? Nakai fai totogi e tau feleveiaaga he Fale he Kautu, mo e nakai tuku tupe foki.
Ko e fakalataha auloa ka fakamafana a koe. Pehē e Tohi Tapu, ko e taha kakano ne fakalataha auloa e tau Kerisiano ke “fefakamafanaaki.” (Heperu 10:24, 25) Ko e fakalataha auloa he tau tagata ne tuku mua e Atua mo e falu tagata foki, ne kua atihake mo e kehe mai he tau tagata he lalolagi ne manamanatu hifo ki a lautolu ni.
“Kua loa e aho, ti logona e au e lolelole mo e mategūgū ka e fakafiafia tumau he tau matakainaga he Fale he Kautu a au. He oti e feleveiaaga, kua logona e au e fiafia ke lata mo e aho hake.”—Elisa.
Iloa nakai e koe? Kua molea ke he 120,000 e tau fakapotopotoaga he Tau Fakamoli a Iehova he lalolagi, ne feleveia ke he molea 60,000 e tau matakavi. He tau tau takitaha, kua teitei 1,500 e tau Fale he Kautu ne talaga, ke lata mo e holo atu ki mua he tau tagata ne o mai ke he tau feleveiaaga. *
^ para. 20 Ke kumi e feleveiaaga, fano ke he “Tau Feleveiaaga he Tau Fakamoli a Iehova” mo e kiliki “Kumi e Matakavi Tata ki a Koe.”