FAKAAKOAGA 32
Ko e Kautu he Atua kua Pule Mogonei!
Kamata e Kautu he Atua ke pule he lagi he tau 1914. Ko e magaaho foki a ia he tau aho fakamui ne kamata e pule he tagata. Iloa fēfē e tautolu? Manamanatu ke he perofetaaga he Tohi Tapu mo e tau tuaga mo e tau aga ne kitia tali mai he 1914.
1. Ko e heigoa kua talahau tuai he Tohi Tapu?
Ko e tohi ha Tanielu he Tohi Tapu ne fakakite to kamata e Kautu he Atua ke pule he fakaotiaga he magahala ne fakahigoa ko e “fitu e tau.” (Tanielu 4:16, 17) He tau senetenari fakamui, hagaao a Iesu ke he magahala taha ia ko e “tau vaha he tau motu kehe,” ti fakaako e ia kua nakaila fakaoti ai. (Luka 21:24) To kitia e tautolu, na fakaoti e fitu e tau he 1914.
2. Ko e heigoa e tau tuaga mo e tau aga ne kitia tali mai he 1914?
Hūhū e tau tutaki ha Iesu ki a ia: “Po ke heigoa foki e fakamailoga he hāu a haele mai, mo e fakaotiaga he lalolagi?” (Mataio 24:3) He tali, talahau tuai e Iesu e tau mena loga ka tutupu he mole e kamata e pule haana i luga he lagi ko e Patuiki he Kautu he Atua. Falu he tau mena nei ne putoia e felakutaki, tau hoge, mo e tau mafuike. (Totou Mataio 24:7.) Talahau tuai foki he Tohi Tapu ko e tau aga he tau tagata he “tau aho fakamui” to maeke ke “uka” e moui. (2 Timoteo 3:1-5) Ko e tau tuaga mo e tau aga nei kua kitia maali tali mai he 1914.
3. Ko e ha e tau tuaga kua kelea lahi tali mai he kamata e Kautu he Atua ke pule?
Nakai leva e mole e Patuiki a Iesu he Kautu he Atua, ne tau a ia he lagi ki a Satani mo e tau temoni. Kaumahala a Satani he tauaga ia. Pehē e Tohi Tapu “kua liti hifo a ia ke he lalolagi, kua liti hifo foki hana tau agelu fakalataha mo ia.” (Fakakiteaga 12:9, 10, 12) Ita lahi a Satani he iloa to moumou a ia. Ti fakatupu e ia e mamahi mo e matematekelea ke he lalolagi katoa. Ko e mena ia ati kelea lahi e tau tuaga he lalolagi! To utakehe he Kautu he Atua e tau lekua oti nei.
KUMIKUMI FAKAHOKULO
Kumikumi e puhala kua iloa e tautolu na kamata e Kautu ke pule he 1914 mo e kakano he mena nei ki a tautolu.
4. Ko e tau magaaho he Tohi Tapu kua hagaaki ke he 1914
Fakatupu he Atua e Patuiki ko Nepukanesa i Papelonia i tuai ke miti fakaperofeta. Ko e miti ia mo e fakamaamaaga ha Tanielu kua hagaao ke he pule ha Nepukanesa mo e ke he Kautu he Atua.—Totou Tanielu 4:17. a
Totou Tanielu 4:20-26, ti fakaaoga e tau fakatino ne fakamaama ke tali e tau hūhū nā:
-
(A) Ko e heigoa ne kitia e Nepukanesa he miti haana?—Kikite e kupu 20 mo e 21.
-
(E) Ko e heigoa e mena ka tupu ke he akau?—Kikite e kupu 23.
-
(I) Ko e heigoa ka tupu he fakaotiaga he “fitu e tau”?—Kikite e kupu 26.
Matutakiaga he Miti ke he Akau mo e Kautu he Atua
KO E PEROFETAAGA (Tanielu 4:20-36)
Pule patuiki
(A) Akau lahi
Taofi e pule patuiki
(E) ‘Hio ki lalo e akau’ ti “mole atu fitu e tau”
Liuaki mai e pule patuiki
(I) “To tumau ai e kautu hau ke eke ai e koe”
Fakamooli fakamua he perofetaaga nei . . .
-
(O) Ko hai ne hukui he akau?—Kikite e kupu 22.
-
(U) Taofi fēfē e pule patuiki haana?—Totou Tanielu 4:29-33.
-
(F) Ko e heigoa ne tupu ki a Nepukanesa he fakaotiaga he “fitu e tau”?—Totou Tanielu 4:34-36.
FAKAMOOLIAGA FAKAMUA
Pule patuiki
(O) Nepukanesa, Patuiki ha Papelonia
Taofi e pule patuiki
(U) Mole e 606 F.V.N., ne maliu e loto ha Nepukanesa ti nakai maeke ke patuiki ke fitu e tau tau
Liuaki mai e pule patuiki
(F) Liu a Nepukanesa matala e loto ti liu patuiki foki
Fakamooli ke uaaki he perofetaaga nei . . .
-
(G) Ko hai ne hukui he akau?—Totou 1 Nofoaga he Tau Patuiki 29:23.
-
(H) Taofi fēfē e pule patuiki ha lautolu? Iloa fēfē e tautolu kua taofi agaia he haia a Iesu he lalolagi?—Totou Luka 21:24.
-
(K) Magaaho fe mo e matakavi fe ne liuaki mai e pule patuiki nei?
FAKAMOOLIAGA KE UAAKI
Pule patuiki
(G) Tau patuiki ha Isaraela ne hukui e pule he Atua
Taofi e pule patuiki
(H) Moumou a Ierusalema, ti taofi e laini he tau patuiki ha Isaraela ke 2,520 e tau tau
Liuaki mai e pule patuiki
(K) Kamata e pule ha Iesu he lagi ko e Patuiki he Kautu he Atua
Fiha e loa he fitu e tau?
Falu vala he Tohi Tapu kua lagomatai a tautolu ke maama e falu vala. Ma e fakatai, ko e tohi ha Fakakiteaga he Tohi Tapu ne pehē ko e tolu mo e hafa e tau tau kua tatai mo e 1,260 e aho. (Fakakiteaga 12:6, 14) Fakalahi ua he fitu e tau tau, po ke 2,520 e aho. Falu mogo, fakaaoga he Tohi Tapu e taha e aho ke hukui aki e taha e tau. (Esekielu 4:6) Pihia e fitu e tau tau ne totoku he tohi ha Tanielu ne hukui ai 2,520 e tau tau.
5. Hiki e lalolagi tali mai he 1914
Talahau tuai e Iesu e tau tuaga he lalolagi ka kitia he mole e eke a ia mo Patuiki. Totou Luka 21:9-11, ti tutala ke he hūhū nei:
-
Ha fe e tau tuaga nei kua kitia po ke logona e koe?
Fakamaama he aposetolo ko Paulo e tau mahani he tau tagata he tau aho fakamui he pule he tagata. Totou 2 Timoteo 3:1-5, ti tutala ke he hūhū nei:
-
Ha fe e tau aga nei kua kitia e koe he tau tagata mogonei?
6. Ko e pule he Kautu he Atua kua lata ke omoomoi a tautolu
Totou Mataio 24:3, 14, ti tutala ke he tau hūhū nei:
-
Ko e heigoa e gahua uho lahi ne fakakite kua pule e Kautu he Atua mogonei?
-
Fai vala fēfē a koe he gahua nei?
Ko e Kautu he Atua kua pule mogonei, ti tata mai e aho ke pule katoatoa ke he lalolagi. Totou Heperu 10:24, 25, ti tutala ke he hūhū nei:
-
Ko e heigoa kua lata a tautolu takitokotaha ke taute ha kua ‘kitia kua tata tuai e aho’?
Ka iloa e koe e taha mena ke lagomatai mo e fakahao e falu, ko e heigoa ka omoomoi a koe ke taute?
KA HŪHŪ TAHA TAGATA: “Ko e ha ne tala tumau e Tau Fakamoli a Iehova hagaao ke he 1914?”
-
Ko e heigoa haau ka talahau?
MANATU KATOA
Ko e perofetaaga he Tohi Tapu, tau magaaho, mo e tau tuaga he lalolagi ne fakamooli kua pule e Kautu he Atua mogonei. Talitonu a tautolu ke he mena nei he fakamatala ai mo e ō he fakapotopotoaga.
Liu Fakamanatu
-
Ko e heigoa ne tupu he fakaotiaga he fitu e tau ne talahau tuai he tohi ha Tanielu he Tohi Tapu?
-
Ko e heigoa ati talitonu a koe kua kamata e Kautu he Atua ke pule he 1914?
-
Fakakite fēfē kua talitonu a koe nukua pule e Kautu mogonei?
KUMI FOKI
Manamanatu ke he talahauaga he tau tagata fakamau tala tuai mo e falu ke he hiki he lalolagi tali mai he 1914.
Totou e perofetaaga ia Mataio 24:14 ne lauia e moui he taha tagata.
“Fiafia Lahi Mahaki Au ke he Pelē Sofopolo!” (Ko e Kolo Toko Nu. 3 2017)
Iloa fēfē e tautolu ko e perofetaaga ia Tanielu veveheaga 4 ko e tala ke he Kautu he Atua?
“Magaaho Fe ne Kamata e Kautu he Atua ke Pule? (Vala 1)” (Ko e Kolo Toko, Novema-Tesemo 2014)
Ko e heigoa ne fakakite ko e “fitu e tau” ne totoku ia Tanielu veveheaga 4 kua fakaoti he 1914?
“Magaaho Fe ne Kamata e Kautu he Atua ke Pule? (Vala 2)” (Ko e Kolo Toko, Ianuari-Fepuari 2015)
a Kikite e tau vala tala ua fakahiku he faahi Kumi Foki he fakaakoaga nei.