‘Kia Hoko Mai e Kautu’—Liogi ne Fatiaki he Tau Miliona
Kua liogi nakai a koe ke hoko mai e Kautu he Atua? Ke he loga e tau senetenari, ne totou miliona kua fatiaki e tau kupu ‘Kia hoko mai e kautu.’ Ko e ha ne liogi pihia a lautolu? Ha kua poaki a Iesu ke he tau tutaki haana ke liogi ma e Kautu he Atua.
Fakamua, nakai maama he tau tutaki ha Iesu e tau mena oti ne talahau e ia hagaao ke he Kautu. Taha magaaho ne hūhū a lautolu ki a ia: “Ko e Iki na e, ko e vaha nai kia ke liu fakafou mai ai e koe e kautu kia Isaraela?” Liga ofo a lautolu he nakai tali fakatonu e Iesu a lautolu. (Gahua 1:6, 7) Kakano kia e mena ia to nakai maeke a tautolu ke iloa e Kautu he Atua mo e hoko mai a fe? Nakai pihia!
Ko e fufuta nei he Ko e Kolo Toko to lagomatai a koe ke tali e tau hūhū nā:
Ko e ha kua manako a tautolu ke he Kautu he Atua?
Ko hai e Patuiki he Kautu he Atua?
Magaaho fe ka pule e Kautu he Atua ke he lalolagi?
Ko e heigoa ka fakakatoatoa he Kautu he Atua?
Ko e ha kua lata ke lalago e Kautu he Atua mogonei?
Ko e heigoa e Kautu he Atua?
Liga Manako Foki a Koe
KO E KOLO TOKO
Ko e Ha ne Liogi ke Hoko Mai e Kautu he Atua?
Ko e heigoa ka taute he Kautu he Atua ne nakai fai fakatufono he lalolagi nei ne maeke ke taute?
TAU FAKAAKOAGA AOGA HE TOHI TAPU
Ko e Heigoa e Kautu he Atua?
He gahua fakamatala ha Iesu, ne laulahi e fakaakoaga haana ke he Kautu he Atua. Ke he tau senetenari, ne liogi e tau tutaki haana ke hoko mai e Kautu.
