¿Tamis toyo̱lkualo̱lis?
¿Tikijtoskiá iga...
-
... kena?
-
... ayá̱?
-
... anka welij?
PAN BIBLIA KIJTOWA
«Dios [...] yawi kipojpowili̱ti nochi iyi̱xa̱mej, wan ayá̱ mikiskej, niga cho̱kaskej niga yo̱lkualoskej niga kualoskej.» (Revelación [Apocalipsis] 21:3, 4, Traducción del Nuevo Mundo.)
¿KÉN TE̱PALE̱WIÁ INÍ̱N?
Tikmatij iga Dios ayá̱ te̱yo̱lkokowa (Santiago 1:13).
Te̱yo̱lketsa iga tikmatij ke Dios kimachi̱liá kua̱ timoyo̱lmiktiáj (Zacarías 2:8).
Te̱yo̱lpaktiá iga tikmatij ke yawi tamiti nochi yej te̱yo̱lmiktiá (Salmo 37:9-11).
¿WELIJ TIKSENTALIÁJ TOYO̱LOJ PAN YEJ KIJTOWA ITAJTO̱L DIOS?
Kena, matikitakan o̱me tejté̱:
-
Dios ki-ijiya yo̱lkualo̱lis wan yej aye̱kti. Pan Biblia kijtowa iga ikia Jehová kualowa̱ya iyo̱loj ke̱man kitaya iga seuʼmej a̱ltepe̱mej kichi̱wiliayaj tejté̱ yej aye̱kti ia̱ltepe̱ʼ (Jueces 2:18).
Dios kita aye̱kti iga se̱ ta̱gaʼ makiyo̱lkokoʼ seuʼmej. Pan Biblia kijtowa iga Dios akiye̱ʼita iga se̱ ta̱gaʼ makimikti se̱ yej akipiá techko (Proverbios 6:16, 17).
-
Dios moyo̱lmiktiá iga nochimej. Ayéj tejeme̱nsan tiki̱xmatij kua̱ timoyo̱lmiktiáj, ¡Jehová no̱ ki̱xmati! (2 Crónicas 6:29, 30).
Dios kichi̱was iga Irreinoj makipolo nochi yej te̱yo̱lmiktiá (Mateo 6:9, 10). Dios a̱man nemi kiyo̱lta̱liá nochi tajta̱gamej wan siwa̱tkej yej nemij kite̱mowaj wa̱n nochi iyo̱loj (Hechos 17:27; 2 Corintios 1:3, 4).
XIMOTAJTANI
¿Té íga Dios kikajte̱wa iga matimoyo̱lkoko̱kan?
Itajto̱l Dios kitajto̱lkuepa iní̱n tajtanilis pan ROMANOS 5:12 wan 2 PEDRO 3:9.
Puede que también le interese
XINE̱IXMATIKAN
¿Té íga ximomachti Biblia?
Pux komatimej tajta̱gamej wan siwa̱tkej pan nochi ta̱jli kasij pan Biblia tajto̱lkuepalis yej kite̱mowa. Nimitsyo̱lketsaj iga ximomachti wan nejeme̱n iní̱n mo̱nsaj a̱mapowal Biblia.
