«Nochi tajta̱gamej onokej pan ima̱ Tsitsimiʼ.» (1 Juan 5:19, Biblia en Lenguaje Sencillo.)

«Inó̱n iga wa̱laj Ipiltsi̱n Dios, iga kipolo̱koʼ yej kichi̱wa Tsitsimiʼ.» (1 Juan 3:8, Torres Amat.)

Tikmatij té íga onoʼ komati tejté̱ yej aye̱kti pan ta̱jli (Revelación [Apocalipsis] 12:12).

Tikmatij ke iní̱n ta̱jli mopatas wan mochi̱was ma̱j taye̱kan (1 Juan 2:17).

Kena, ta̱jli yawi mopatati. Matikitakan e̱yi tejté̱:

• Yej kichijto’ Tsitsimiʼ yawi tamiti. Jehová yawi kichi̱wati iga tajta̱gamej ayoʼ maonokan pan ima̱ Tsitsimiʼ. Dios kijtowa iga yawi «kipolo̱ti [...] Tsitsimiʼ» wan kipolo̱s nochi tejté̱ yej aye̱kti yej Tsitsimiʼ kichij (Hebreos 2:14, Traducción del Nuevo Mundo).

• Dios kitapejpen Jesucristo iga mayawi tekiwaj de iní̱n ta̱jli. Jesús ayéj ken Tsitsimiʼ yej kiyo̱lkoko̱wa tajta̱gamej wan amoyo̱lmiktiá iga yejeme̱n. Dios kijtowa te̱ yawi kichi̱wati tekiwaj Jesucristo: «Kipale̱wis yej yo̱lyama̱ni wan yej akipiáj nité̱ [...]. De iyo̱lkualo̱lismej wan de tejté̱ yej aye̱kti yej kichi̱wiliáj yéj yawi kima̱ki̱xti̱ti» (Salmo 72:13, 14).

• Dios awelij takajkaya̱wa. Pan Biblia kijtowa: «Dios awelij takajkaya̱wa» (Hebreos 6:18). Inó̱n iga ke̱man Jehová kijtowa iga yawi kichi̱wati se̱ tejté̱, ¡matikmatikan ke ijkó̱n kichi̱was! (Isaías 55:10, 11). Wan yéj kijto iga yawi kiki̱xti̱ti Tsitsimiʼ de iní̱n ta̱jli (Juan 12:31).