¿Kichij Dios nochi los seres vivos iga la evolución?

XIKAKI PAN

Yej kijtowa la Biblia

Ayá̱. La Biblia kijtowa iga Dios kichij las personas wan nochi los «géneros» o tipos de seres vivos, a animalmej o kuaxiwimej (Génesis 1:12, 21, 25, 27; Apocalipsis 4:11). La Biblia kijtowa iga nochi la familia humana onoko iga achto totajmej, Adán wan Eva (Génesis 3:20; 4:1). Ayá̱ ono’ de acuerdo wan la teoría de la evolución teística, iní̱n kijto̱sneki, la teoría iga Dios kichij nochi los seres vivos iga la evolución. Pero, la Biblia ayá̱ ono’ en contra de yej momachtij la ciencia iga wel mopata sekin tejté̱ pan se̱ género. b

¿Te̱ kijtowaj sekin personas?

Tajto̱l evolución teística kijto̱sneki miak tejté̱. Ken kijtowa la Encyclopædia Britannica, kijto̱sneki iga «la selección natural yawi se̱ tejté̱ yej Dios kinentiá iga makiojkuilti la naturaleza».

La evolución teística wel no̱ kijto̱sneki iní̱n tejté̱:

Nochi los organismos vivos kisakej de seu’mej seres vivos yej ikiaya onoyaj.
Se̱ forma de vida wel evoluciona̱rowa pan seu’ forma de vida yej pux diferente. Iní̱n moi̱xmati ken macroevolución.
De sekin maneras, yawi Dios yej kicontrola̱rowa nochi yej pano̱wa.

¿La teoría de la evolución mowi̱ga wan yej kijtowa la Biblia?

Siga la evolución teística mayawi melá̱, yej kijtowa Génesis de la creación ayá̱ onoskiá exacto. Pero Jesús tajtoj de iní̱n relato ken tejté̱ yej melá̱ panoj (Génesis 1:26, 27; 2:18-24; Mateo 19:4-6). La Biblia kijtowa iga Jesús, achto iga mawi̱ki pan Ta̱jli, onoya pan cielo wan Dios wan kipale̱wij iga makichi̱wa «nochi tejté̱» (Juan 1:3). Inó̱n iga, kua̱ moijtowa iga Dios kichij nochi tejté̱ iga la evolución, ayá̱ ono’ de acuerdo wan yej kine̱xtiá la Biblia.

Iga los seres vivos welij momatij ka̱n mocha̱ntiáj, ¿kine̱xtiá iga yajkij evolucionados?

La Biblia ayá̱ kijtowa hasta ka̱n wel mopata se̱ género o tipo de ser vivo, ni ke̱ski biáj welij mopata. Ayá̱ no̱ kicontradeci̱rowa iga animalmej wan kuaxiwimej wel mopataj kua̱ kipiáj ipilowa̱n o momatij pan seu’ la̱j. Sekin kitaj inó̱n cambios ken se̱ forma de evolución, pero de inó̱n cambios ayá̱ ki̱sa se̱ ser vivo diferente.

a Pan la Biblia moijkuilowa tajto̱l género, iní̱n kipiá se̱ significado ma̱j weyi ke tajto̱l especie wan los científicos kinentiáj iní̱n tajto̱l. Komati biáj yej los científicos kito̱ka̱wiáj evolución de se̱ yankuiʼ especie, yawi se̱ cambio yej kipano̱ltiá ino̱nsan género, tajto̱l yej tikasij pan el relato de Génesis.

b Iní̱n cambios moi̱xmati ken microevolución.