Ngbangɔ tɛnɛ ya, Davidi gbia ti Israɛlɛ ndó na dungɔ lɛ ngɛ̃ na siɛklɛ ti 11 uzu ti ngoi tɛ e (U.N.E.) wa ayangambi tɛ lo alendó gbia abulu gba na pɛkɔ lo. Kanda azi mɛndɛ̃ ndo tɛnɛ ya, tɛnɛ mɛ aba dungɔ lɛ ngɛ̃ tɛ Davidi adu mbaye gɛgɛrɛ, adu pandɛ mɛ azi nvɛ̃ni asi na ni na gesi. Davidi ndó na dungɔ lɛ ngɛ̃́ biani?

 Na bulu ti 1993, zo kɔi ti arkeoloji Avraham Biran na azi tɛ lo, ala luandó pɛnzi tɛ̃nɛ kɔi Tel Dan, ka nɔrdi ti Israɛlɛ, asundó ka ndo tɛ̃nɛ ni ya, “Da tɛ Davidi.” Asundó tɛnɛ ni na yanga ti Semite (Moyen-orient) ti gã na siɛklɛ ti gumbaya U.N.E. Pɛnzi tɛ̃nɛ niko ndó na mɔnima mɛndó azi ti Araméens akĩ ti fangɔ se mɛndó ala nwɔ azi ti Israɛlɛ na to.

 Buku kɔi (Bible history Daily) atɛnɛ ya: Azi gba ndo da bɛ la ya, ta mbeti niko “Da tɛ Davidi,” ando fa ya, Davidi ndó na dungɔ lɛ ngɛ̃́ biani ma. Kanda azi ti kɔdɛ na ndo kpale mɛ aba Ngbangɔ ná azi ti arkeoloji ndo ye ya, aye mɛ alua ka Tel Dan ndo fa ya, gbia Davidi ndó na dungɔ lɛ ngɛ̃́ biani. Zulunalo BAR [Biblical Archaeology Review] atɛnɛ yako, tɛ̃nɛ ni adu kɔi ti aye ti ngbondoni mɛ azi ti arkeoloji alua.