Kalunga oku na omadhina gangapi?

DHANA

Eyamukulo okuza mOmbiimbeli

Kalunga oku na owala edhina limwe. Ohali nyolwa יהוה mOshihebeli, nomOshindonga ohali tumbulwa taku ti: “Jehova.” * Kalunga okwa popi okupitila momuhunganeki gwe, Jesaja a ti: “Ongame Jehova. Ndyoka olyo edhina lyandje.” (Jesaja 42:8, NW) Edhina ndyoka otali holoka konyala lwiikando 7 000 miinyolwa iikulu yopaMbiimbeli. Olya popiwa mo lwiikando oyindji li vulithe edhinasimaneko Kalunga nenge omadhina galwe gaantu gopaumwene. *

Mbela opu na ishewe omadhina galwe ngoka hagi ithanwa Jehova?

Nonando Ombiimbeli oya popya owala edhina lyaKalunga limwe, oya longitha omadhinasimaneko ogendji nomifethelamo oku ulika kuye. Momusholondondho tagu landula omu na omadhinasimaneko nosho wo omifethelamo dhimwe ndhoka tadhi holola uukwatya waJehova.

Edhinasimaneko	Enyolo mpoka li li	Eityo lyalyo
Alla	(Kapu na)	Oshitya Alla, oshi li melaka lyOshiaraba notashi ti Kalunga, ihe hasho edhina lye lyopaumwene. Omatoloko gOombiimbeli mOshiaraba nosho wo momalaka galwe oga longitha “Alla” shi li pehala lyedhinasimaneko “Kalunga.”
Omunankondoawike	Genesis 17:1	Kalunga oku na oonkondo ndhoka kapu na ngoka ta vulu oku dhi ya moshipala. Uutumbulilo wOshihebeli ʼElShaddaiʹ, mboka tawu ti: “Kalunga Omunankondoawike” mOmbiimbeli owa holoka mo lwiikando iheyali.
Alfa naOmega	Ehololo 1:8; 21:6; 22:13	Uutumbulilo “omutango nomuhugunini” nenge “etameko nehulilo” otawu ti kutya kakwa li Kalunga Omunankondoawike komeho gaJehova nokapu na ngoka te ke mu landula. (Jesaja 43:10) Alfa oyo ondanda yotango moalfabeta yOshigreka, naOmega oyo ondanda yahugunina.
Omusamane gwomimvo	Daniel 7:9, 13, 22, OB-1954	Jehova ke na etameko, okwa kala ko aluheluhe komeho gakehe gumwe nosho wo gakehe shimwe. — Episalomi 90:2.
Omushiti	Jesaja 40:28; Episalomi 149:2	Oye a shiti iinima ayihe mbyoka tu wete. — Ehololo 4:11.
Tate	Mateus 6:9	Omugandji gwomwenyo
Kalunga	Genesis 1:1	Jehova oye a gwana okulongelwa, ye Omunankondo. Oshitya shOshihebeli ʼElohimʹ otashi ulike kuunene we, kesimano lye nenge kuuwanawa we.
Kalunga kookalunga	Deuteronomium 10:17	Kalunga okwa shiga ko, ina fa nando “iimenka” mbyoka hayi galikanwa kuyamwe. — Jesaja 2:8.
Omulongi a dhenga mbanda	Jesaja 30:20, 21	Ohe tu pe elongo ndyoka tali tu etele uuwanawa nomalombwelo gu uka. — Jesaja 48:17, 18.
Kalunga omunyanyukwi	1 Timoteus 1:11, NW	Oku na uukwatya ngaashi enyanyu. — Episalomi 104:31.
Omuuvi gwomagalikano	Episalomi 65:2	Oha pulakene kegalikano lyakehe gumwe ngoka ta galikana kuye e na eitaalo.
Ngame nda kala	Eksodus 3:14	Oha ningi kehe shimwe shoka a hala, opo a gwanithe po ehalo lye. Uutumbulilo Ngame nda kala owa tolokwa: “Otandi ka kala kehe shoka nda hala okukala” mOmbiimbeli yedhina The Emphasised Bible, nomOmbiimbeli yo-New World Translation owa tolokwa “Ngame otandi ka kala shoka nda hogolola okukala.” Omautumbulilo ngoka otage tu kwathele tu uve ko eityo lyedhina lyaKalunga lyopaumwene, Jehova, ndyoka lyi li muEksodus 3:15, NW.
Omukodhi	Eksodus 34:14	Iha pitike a longelwe pamwe nookalunga yalwe. Oshitya shino mOmbiimbeli yedhina God’s Word Bible osha tolokwa “iha pitike okulongelwa pamwe naatondi ye,” mOmbiimbeli yo-New World Translation osha tolokwa “okwa tseyika a hala okulongelwa oye awike.”
Omukwaniilwa gwaaluhe	1 Timoteus 1:17	Uukwaniilwa we kawu na etameko nehulilo.
Omuwa	Episalomi 135:5	Oshitya shOshihebeli ʼAdhohnʹ nosho wo ʼAdhonimʹ otashi ti mwene nenge ngoka ho longele.
Omuwa Sebaot	Jesaja 1:9, OB-1954; Aaroma 9:29, OB-1954	Omugandjimalombwelo gwomatangakwiita gaayengeli. Edhinasimaneko “Omuwa Sebaot” otali vulu wo okutolokwa “Jehova gwoongundu dhaakwiita” nosho wo “Omuwa gwoongundu dhaakwiita [yomegulu].”
Gwokombandambanda	Episalomi 47:2	Oye e na ondondo ya shiga ko.
Omuyapukielela	Omayeletumbulo 9:10	Omuyapukielela (okwa yogoka noke na okapethili kasha) oku mu yelekanitha naantu.
Omuhongi gwiiyuma	Jesaja 64:8	Oku na oonkondo dhokupangela omuntu kehe nosho wo iigwana, ngaashi owala omuhongi gwiiyuma ha ningi neloya. — Aaroma 9:20, 21.
Omukulili	Jesaja 41:14, OB-1954	Okwa futa nenge okwa landa aantu muulunde neso sho a gandja ekuliloyambo lyOmwana, Jesus Kristus. — Johannes 3:16.
Emanya	Episalomi 18:2, 46, OB-1954	Oye egameno lyetu nosho wo omuhupithi gwetu.
Omuhupithi	Jesaja 43:11	Ohe tu hupitha miiponga nokaatu hanagulwe po.
Omusita	Episalomi 23:1	Oha gamene mboka haye mu longele.
Omuwa Omupangeliawike	Genesis 15:2	Oku na oonkondopangelo dha shiga ko; oshitya shOshihebeli ʼAdhonaiʹ otashi ti Omupangeliawike.
Omadhina gomahala mOmanyolo gOshihebeli	Omahala gamwe ngoka ga tumbulwa mOmbiimbeli oga kwatela mo edhina lyaKalunga, ihe shoka itashi ti kutya Kalunga ota vulu okwiithanwa nomadhina ngoka.	Edhina lyehala
Enyolo	Eityo lyalyo	Jehova-jire

Genesis 22:13, 14

‘Jehova ti imonene.’

Jehova-nissi	Eksodus 17:15	‘Jehova oye epandela lyandje.’ Jehova oKalunga ngoka oshigwana she tashi vulu okuya kuye sha hangana shi mu pule e shi gamene noku shi kwathele. — Eksodus 17:13-16.
Jehova-shalom	Aatokolihapu 6:23, 24	‘Jehova oye Ombili.’
Jehova-shamma	Hesekiel 48:35	‘Jehova oku-li-mpaka.’
Omatompelo kutya omolwashike tu na okutseya nokulongitha edhina lyaKalunga	● Kalunga oku uvite kutya edhina lye, Jehova, olya simana, molwaashoka okwa sa oshimpwiyu li nyolwe mOmbiimbeli iikando omayuvi. — Maleaki 1:11.	● Omwana gwaKalunga, Jesus, okwa kala nokutsa omuthindo esimano lyedhina lyaKalunga. Pashiholelwa, okwa galikana kuJehova a ti: “Edhina lyoye nali yapulwe.” — Mateus 6:9; Johannes 17:6.
● Mboka ye shi edhina lyaKalunga nohaye li longitha, oya panga uukuume naJehova. (Episalomi 9:10; Maleaki 3:16) Omolwuukuume mbono ya panga naye otaya mono uuwanawa meuvaneko lye ndyoka tali ti: “Onkee nda hala oku mu hupitha nonda hala oku mu gamena, oshoka edhina lyandje e li shi.” — Episalomi 91:14, OB-1954.	● Ombiimbeli otayi ti: “Oku na ngaa mbyoka haku tiwa ‘ookalunga’, ongele megulu nenge kombanda yevi. . . . Oku na ‘ookalunga’ oyendji ‘naawa’ oyendji.” (1 Aakorinto 8:5, 6) Ombiimbeli oya tumbula edhina lyaKalunga gumwe awike kashili, Jehova. — Eksodus 15:3, OB-1954.	[OMANYOLO GOPEVI]

^ okat. 1 Aalongwantu yamwe Aahebeli, oye hole okutumbula edhina lyaKalunga taya ti “Yahwe.”

^ okat. 1 Efupipiko lyedhina lyaKalunga “Jah” otali holoka lwiikando 50 momatoloko gOombiimbeli dhimwe, mwa kwatelwa wo oshitya “Halleluja” shoka tashi ti kutya “Hambeleleni Omuwa [Jah].” — Ehololo 19:1, OB-1954.