Olye lela ta pangele uuyuni?

DHANA

Mbela sho to tala . . .

oKalunga?
nenge aantu?
nenge oSatana?

SHOKA OMBIIMBELI TAYI TI

“Uuyuni auhe ou li mepangelo lyomuhinda-dhi.”— 1 Johannes 5:19.

“Omuna gwaKalunga okwa holoka, opo a hanagule po iilonga yomuhindadhi.” — 1 Johannes 3:8.

UUWANAWA MBOKA TO VULU OKUMONA UUNA WU SHI NGOKA TA PANGELE UUYUNI

Oto ka kala wu shi kutya olye omweetithi gwomaupyakadhi muuyuni. — Ehololo 12:12.

Oto ka kala wu na eitaalo kutya uuyuni otawu ka lundulukila kuuwanawa. — 1 Johannes 2:17.

MBELA OTU NA NGAA SHILI OKWIITAALA OOHAPU NDHOKA DHI LI MOMBIIMBELI?

Eeno, opu na omatompelo ogendji, ihe natu tale owala gatatu gomugo:

Epangelo lyaSatana otali ka hulithwa po. Jehova okwa tokola okumangulula aantu mondjoko yuupika wepangelo lyaSatana. Kalunga oku uvaneka kutya ‘ota ka hanagula po omuhindadhi’ nota ka opalekulula uushadha awuhe mboka we etithwa kuSatana.— Aahebeli 2:14.
Kalunga okwa hogolola Jesus Kristus a ka pangele uuyuni. Jesus oku li ompinge thiluthilu nomupangeli guuyuni mbuka, Satana Ondiyapoli, ngoka i ihole mwene. Kalunga oku uvaneka shi na ko nasha nepangelo lyaJesus a ti: ‘Ota sile oshimbembe nohepele olukeno. Ota hupitha oomwenyo dhawo methiminiko nomepiyagano.’— Episalomi 72:13, 14.
Kalunga iha fundju nando. Ombiimbeli otayi shi popi sha yela nawa tayi ti: ‘Kalunga iha fundju.’ (Aahebeli 6:18) Ngele u uvaneke sha, oku na oku shi gwanitha po. (Jesaja 55:10, 11) Ombiimbeli otayi ti: “Omupangeli guuyuni mbuka ota ka umbilwa pondje ngashingeyi.”— Johannes 12:31.

TALA KEPULO NDIKA

Onkalo muuyuni otayi ka kala ya tya ngiini ngele omupangeli gwawo, Satana, a hulithwa po?

Ombiimbeli otayi gandja eyamukulo mEPISALOMI 37:10, 11 nosho wo mEHOLOLO 21:3, 4.

Opu na ishewe uuyelele mbuka

KOMBINGA YETU

Omolwashike wa pumbwa okukonakona Ombiimbeli?

Ombiimbeli otayi kwathele aantu omamiliyona ya mone omayamukulo gomapulo ga simana monkalamwenyo. Mbela nangoye owa hala okumona omayamukulo gomapulo ngoka?