Süün is irgends air dail wat wij måke, forneeme un denke daue, wat God sägt is forkërd. Wee süün mökt, däit God sijn leis afståe, doir måke wat forkërd un ungerecht tau God is. (1 João 3:4 un 5:17) Dai Bijbel sägt is uk süün ni måke wat richtig is. (Tiago 4:17)

 In dai airste språke fone Bijbel, dai wöör wat nåsreewe woore sin ‘süün’ däit bedüüre ‘forbij sijle’. Soo as, in früüsch Israel air grup soldåte däire soo gaud dai stain smijten forståe, dat sai ni ‘forbij sijle’ däire. Dës wöör küne nåsreewe ware ‘åne süün måke.’ (Juízes 20:16) Soo, wee süün mökt, däit God sijn leis, wat åne fëgels sin ni horge.

 Dat God dai lüür måkt hät, hät hai recht taum sägen wat richtig un forkërd tau eer is. (Apocalipse 4:11) Jërer ainsig fon oos mut sijn reeken mit God måke. (Romanos 14:12).

Is mööglig nij ais süün måke?

 Në. Dai Bijbel sägt “ale häwe süün måkt un kåme ni an God sij herligkët raner.” (Romanos 3:23, 1 Reis 8:46, Eclesiastes 7:20 un 1 João 1:8) Woweegen däit dit passijre?

 Dai airste lüür, Adam un Eva hare kain süün. Weegen God hät eer måkt åne fëgels, soo as hai beschafe is. (Gênesis 1:27) Åwer, as sai God ni horgt häwe, sin sai süündig lüür woore. (Gênesis 3:5, 6 un 17 bet 19) As sai kiner hat häwe, dai häwe dai süün un dai fëgels ärbt, soo as ain krankhët. (Romanos 5:12) Dai köönig Davi fon Israel, hät sägt: “Mit schuld bün ik al geboore.” (Salmo 51:5)

Sin wek süün slechter as dai andrer?

 Jå. Dai Bijbel sägt dat dai lüür in dai früüsch Sodoma stad wäire slecht un däire groot süün måke, un dat eer süün sër slim wäire. (Gênesis 13:13 un 18:20) Dau dai drai daile saie wat wijse woo slecht as ain süün is.

1.   Wat fon sort süün? Dai Bijbel sägt wij döre ni dai slecht süün måke, soo as huurerig bedrijwe, gemåkt daile anbeere, steele, taufeel drinke, andrer bedraige, doodmåke un spiritismus. (1 Coríntios 6:9 bet 11 un Apocalipse 21:8) Dai Bijbel däit wijse dat dës slechte fëgels aners sin ais dai süün wat wij måke ån dat wij dat wile, soo as wen wij wat måke urer säge wat der andrer argre däit. (Provérbios 12:18 un Efésios 4:31 un 32) Åwer dai Bijbel däit uk wijse wij muite uppasse mit al sort süün, weegen dat kan måke dat wij grötet süün måke daue. (Mateus 5:27 un 28)

2.   Woweegen måke wek lüür süün? Weegen sai daue God sijn leis nij kene. (Atos 17:30 un 1 Timóteo 1:13) Dai Bijbel däit dës sort süün ni åne schuld reekne. Åwer dai süün is aners ais God sin leis uutm wile ni horge. (Números 15:30 un 31) Süün uutm wile måke kåme fon aine slechte härts. (Jeremias 16:12)

3.   Woo oft? Dai Bijbel däit uk wijse dat is gans aners as ain süün måke un bijblijwe ain süün up ain lang tijd måke. (1 João 3:4 bet 8) God reekent schuldig der wat waite däit wat richtig is un lijkerst soo mökt süün uutm wile. (Hebreus 10:26 un 27)

 Wee ain groot süün måkt hät, kan sin däit sich schuldig forneeme. Soo as, dai köönig Davi hät sreewe: “Weegen mijn fëgels sin oiwer mijne kop; Soo’s ain swår dracht, sin feel swårer as ik dråge kan.” (Salmo 38:4) Åwer dai Bijbel däit oos dës sicherhët geewe: “Dat dai slechte eene weeg låte, un dat dai wat slechte daile måke eer gedanke forlåte; dat sai tröögkåme nå Jehovaa, wat barmhärtsigkët tau eer hät, tau oosem God, wat gans un går forgeewe däit.” (Isaías 55:7)