Mag God dai evolução benutst häwe taum al dai andrer sort leewend måke?
Dai antwoord fone Bijbel
Në. Dai Bijbel däit gans klår låte dat God der kërl, dai al sort plante un al sort tijre måkt hät. a (Gênesis 1:12, 21, 25 un 27 un Apocalipse 4:11) Dai sägt uk, dat al dai lüür kåme fon Adam un Eva, oos airste papa un mama. (Gênesis 3:20 un 4:1) Dat wat ine Bijbel stäit däit ni t’hoopstime mit dat wat dai lüür inlëre dat God dai evolução benutst hät taum al dai leewige daile måke. Dit inlëren däit haite evolucionismo teísta. Dai Bijbel is ni gëgen dat inlëren dat ümstelen kan passijre in aim sort leewend. b
An wat daue wek glööwe?
Dai lüür wat glööwe dat God dai evolução benutst hät taum al dai andrer leewige daile måke, häwe feel sort mainung taum uutdüüre wosoo as dat passijrt is. Soo as dai Enciclopédia Britânica sägt, c dai evolucionismo teísta däit inlëre dat God dai seleção natural d benutse däit taum al dai leewige daile upe wild lenke.
Un nog, dai wat dai evolucionismo teísta bijståe kan sin daue an dës daile glööwe:
Al daile wat leewe kåme fon aim sort leewend.
Dat air sort leewend gans un går kan aners ware un air anerd sort leewend häwe. Dit inlëren däit haite macroevolução. Soo dai daue inlëre dat åpe koine lüür ware.
Dat up ain årt, God däit al dës daile lenke.
Däit dai Bijbel dai evolução bijståe?
Wen dai evolucionismo teísta wår wäir, dat däir den ni t’hoopstime mit dat wat stäit in Gênesis dat God al dai daile måkt hät. Åwer dai aigen Jësus hät sägt dat dai geschicht in Gênesis wäir taum sich upforlåte. (Gênesis 1:26 un 27, 2:18 bet 24 un Mateus 19:4 bet 6) Dai Bijbel sägt, dat airer as Jësus upt Ër kåme is, hai däir im himel leewe un hät God hulpe al dai andrer daile måke. (João 1:3) Den, dat inlëren dat God dai evolução benutst hät taum al dai andrer sort leewend måke däit ni t’hoopstime mit dai Bijbel.
Dat sich dai leewige daile anware, däit dat wijse dat dai evolução wirklig geewe däit?
Dai Bijbel däit ni uutdüüre wofeel as air “sort” leewend ümstele kan. Dai Bijbel is uk ni gëgen dat inlëren dat feel sort plante un tijre wat God måkt hät ümstele wen dai mër ware un sich anware up dai stel woo dai sin. Wek nene dit soo as evolução, åwer fon dit ümstelen kümt ni air anerd sort leewend.
a Wekmåls wen dai uutgelërte lüür säge dat air sort leewig dail kümt fon ande, wat passijrt is, is bloos air ümstelen in dat neemlig sort leewend, soo as stäit in Gênesis.
b Dit inlëren wart nent microevolução. Soo as, ain sort fågel wen hai sich anware däit up ain stel un ware mër em sij snåbel kan gröter un kläner ware.
c Airst titel: Encyclopædia Britannica.
d Dai seleção natural däit inlëre dat ain plant urer air tijr wat sich beeter anware, blijwe leewig un daue mër ware.
Kan sin dat dit dij uk gefale däit
Airste inlëren - Videos
Wosoo is dai univers upkåme?
Feel daue ni onglig forståe wat stäit in Gênesis un daue sogår denke dat is bloos ain süüg. Kan man dår anglööwe wat dai Bijbel sägt oiwer wosoo dai univers upkåme is?
