Jå, dai Bijbel däir al foiruutsäge dat dai mëste lüür hüütsendåg däire slechter ware. Dårweegen dai mëste lüür däire ni anneeme wat richtig un forkërd is un däire uk dai moors forstööte wat måke daue dat dai lüür in ainigkët leewe. a (2 Timóteo 3:1 bet 5) Åwer dai Bijbel hät uk foiruutsägt dat ni ale soo wäire. Mit God sijn hülp, wek lüür däire sich anstrenge taum ni soo sin un dës slechte daile oiwerståe taum God gefale doir dat wat sai denke un måke. (Isaías 2:2 un 3)

Dat wat hijr in stäit:

•  Wat hät dai Bijbel foiruutsägt soo as dai lüür hüütsendåg wäire?

•  Dat dai lüür bloos an eer selwst denke daue, wat giwt dat ruuter?

•  Woweegen däire dai mëste lüür slechter ware?

•  Dat dai lüür sodul aners ware, wat schal man måke?

•  Däire ale lüür slechter ware?

•  Ware dai lüür soo slecht bet kain hülp mër giwt?

 Ine Bijbel stäit dat, weegen dai lüür däire bloos an sich selwst denke, sai däire slechte moors häwe. Sai däire “sich ni selwst hule krijge”, “bloos sich selwst lijbe” un “mër dat tijdfordrijwen lijbe as God”. (2 Timóteo 3:2 bet 4)

 Un dat is wår. Hüütsendåg, feel lüür daue bloos an eer selwst denke, an wat fon gaure daile daue sai krijge, an wat däit måke dat sai sich gaud befijne daue, an eer frööligkët un soo wijrer. Soo as dai Bijbel foiruutsägt hät, feel lüür daue bloos an sich selwst denke un süüt soo uut as dat wart slechter. Dårweegen feel lüür sin “åne lijb up dai gaurigkët”. Dat bedüürt sai krijge går ni lijbt dat wat richtig is. Un dat sai “ni dankbår sin”, sai denke sai bruuke kain dankbårkët wijse for dat wat sai häwe un for dat wat dai andrer tau eer måke daue. (2 Timóteo 3:2 un 3)

 Dat dai lüür bloos an eer selwst denke daue, sai häwe andrer slechte moors soo as dës:

•   Gild gijle. Hüütsendåg feel lüür daue dat “gild lijbe”. Sai denke air mësch sij leewend is gaud bloos weegen dat gild un sachen daile wat hai hät. (2 Timóteo 3:2)

•   Groosartigkët. Feel lüür ‘daue sich pråle, sin groosartig’ un “ful mit stols.” (2 Timóteo 3:2 un 4) Sai häwe sich taudul wen sai fortele daue oiwer wat sai måken forståe, eer gaure moors urer wofeel gild as sai häwe.

•   Laige taum andrer schåre. Sin sër feel lüür wat oiwer andrer “slecht reere” un ‘laige daue’. (2 Timóteo 3:2 un 3) Sai daue oiwer God un oiwer andrer lüür slecht reere un daue loigen oiwer eer fortele.

•   Dikköpig sin. Feel lüür sin “ni reäl”, “daue [dai andrer] bedraige”, sin “dikköpig” un “wile ni oiwerain kåme”. (2 Timóteo 3:2 bet 4) Sai daue dës slechte moors wijse wen sai ni någeewe wile, daue ni måke wat sai forspråke häwe un wile ni oiwerain kåme.

•   Slechtigkët. Feel lüür ware licht “wüütend”. Dårweegen wile sai mit dai andrer strijre un eer uk slåe. (2 Timóteo 3:3)

•   Dai lei ni horge. Jësus hät sägt dat, in oose dåg, dat ‘wat gëgen dai lei is däir oiwerhand neeme’. (Mateus 24:12) Hai hät uk fortelt oiwer feel “strijrerig”. (Lucas 21:9)

•   Kain lijb mank dai familg. Feel daue “ni dai papa un mama horge” un sin “åne lijb”. Sai daue går ni dai in sijne aigen familg lijbe. Dårweegen saie wij in feel familge lüür wat forlåte ware un ware sër slecht behanelt. (2 Timóteo 3:2 un 3)

•   Falschhët fone kirch. Ümer mër lüür daue bloos sich anstele as wen sai God anbeere daue. (2 Timóteo 3:5) Feel religionschefs daue säge wat dai lüür gërn horge wile un sai daue dat laiwer måke as dat wat God fon eer forlange däit. (2 Timóteo 4:3 un 4)

 Dat soo feel lüür bloos an sich selwst denke, ümer mër lüür ware traurig un daue sich ni gaud befijne soo as nij ais dat wääst is. (Eclesiastes 7:7) Sai man’s wek daile wat passijre daue: Dai wat dat gild lijbe, daue andrer bedraige taum ümer mër wat fordaine. Dat kain lijb mank dai familg is, feel ware in sijne aigen huus sër slecht behanelt, ware sër traurig un koine sogår denke sai wile ni mër leewe. Un dai wat ni reäl is, däit sër dul dai forneemen schåre fon dai wat belaigt woore is un dat kan up ain lang tijd duure.

 Dai Bijbel däit genau uutdüüre woweegen as dat passijre däit:

•   Dai lüür daue ni sodul God un dai andrer lijbe. (Mateus 24:12) Dårweegen daue sai ümer mër bloos an sich selwst denke.

•   Satan, dai Düüwel is ruunersmeete woore upt ër. (Apocalipse 12:9 un 12) Fon dun an, mökt hai dat dai lüür ümer mër bloos an eer selwst denke daue. (1 João 5:19)

 Ine Bijbel stäit: ‘Hul dij tröög fon dai.’ (2 Timóteo 3:5) Däit dat bedüüre dat wij schåle apart fon dai andrer lüür leewe? Në, dit bedüürt wij döre kaine ümgang häwe mit lüür wat bloos an eer selwst denke un wat ni God ëre daue. (Tiago 4:4)

 Në. Ine Bijbel stäit dat wek lüür däire ‘jamre un stööne weegen dai ganse slechte daile wat måkt wööre’. (Ezequiel 9:4) Sai däire sich anstrenge taum God horge un ni bloos an eer selwst denke. Dat wäir gans klår tau ale weegen dat wat sai fortele un måke däire wöör gans aners as dai andrer lüür. (Malaquias 3:16 un 18) Sai däire sich anstrenge taum freere mit ale lüür häwe un däire sich ni mankmische mit krijg un andrer slechte daile. (Miqueias 4:3)

 Në. Dat däit ni mit dai lüür passijre. Bald, God däit dai lüür uutrote wat ni aners ware wile un ni em horge wile. (Salmo 37:38) Dat wart “ain nijg ër” geewe. Dat bedüürt dat hijr upe ër bloos dai freerig lüür leewe daue un sai ware ümer leewe. (2 Pedro 3:13, Salmo 37:11 un 29) Dat däit wirklig passijre, is kair droom. Fon nuu an, dai Bijbel däit al dai lüür helpe eer leewend aners ware taum dai daile måke wat God gefale. (Efésios 4:23 un 24)