KAPITEL 7
Wat is God sij Regirung?
1. Wat is God sij Regirung?
Woweegen is Jësus dai best Köönig? — MARCOS 1:40-42
God sij Regirung is air regirung im himel. Doir dëse Regirung God däit sijne wile hijr upe Ër måke soo as im himel. Dit is dai Regirung wat wij bruuke. Bald, dai regirunge fone lüür ware ümtuuscht up God sijne Regirung. God sij Regirung däit måke dat dai lüür sich ainig sin. Won gaure nijges! — Lees Daniel 2:44; Mateus 6:9,10; 24:14.
Al regirung bruukt aine köönig. Jehovaa hät sij Kind, Jësus Kristus, uutsöcht taum Köönig sin in dës Regirung. — Lees Apocalipse 11:15.
Kijk dai film Wat is God sij Regirung?
2. Woweegen is Jësus dai best Köönig?
Jësus is dai best Köönig weegen hai is gaut un gerecht. (Mateus 11:28-30) Un nog, hai hät macht taum dai lüür helpe weegen hai däit fom himel regijre. As hai trööggåe is nåm himel, hai hät luurt dai stuun taum Köönig ware. (Hebreus 10:12, 13) Åwer nuu däit hai al im himel regijre un hät macht kreege taum oiwer dai gans Ër regijre. — Lees Daniel 7:13, 14.
3. Wee däit t’hoop mit Jësus regijre?
God däit ain grup lüür uutsuike taum mit Jësus im himel regijre. Dai Bijbel nent dës grup as “hailige”. (Daniel 7:27) Dai airste wat uutsöcht sin, sin Jësus sijn reäl apostels. Jehovaa däit nog kërls un fruuges uutsuike taum tau dës grup tauhööre. Nådem dat sai doodblijwe, sai ware ni upleewt taum hijr upe Ër leewe, åwer ware upleewt taum im himel leewe. — Lees João 14:1-3; 1 Coríntios 15:42-44.
Wofeel lüür daue tau dës grup tauhööre? Jësus hät dës grup ‘wënig schåp’ nent. (Lucas 12:32) Im ganse, sin dat 144 duusend lüür wat t’hoop mit Jësus oiwer dai Ër regijre. — Lees Apocalipse 14:1.
4. Wat hät Jësus måkt as hai Köönig woore is?
Dat airst dail wat Jësus måkt hät is Satan un sijn slechte ängels uutm himel ruuterjåge. Dat is passijrt in 1914 *. Satan is sër wüütend woore un hät sër feel eelent up dai gans Ër bröcht. (Apocalipse 12:7-10, 12) Fon dun an, sin dai daile sër slecht woore. Hüüt is hungersnood, krijge, krankhëte un ërschüütlen. Dës daile wijse dat God sij Regirung bald oiwer dai Ër regijre däit. — Lees Lucas 21:7, 10, 11, 31.
5. Wat däit God sij Regirung nuu måke?
God sij Regirung däit feel mithelpe lëre oiwer God sij Woord. Miljone lüür ine ganse wild daue dësem Regirung bijståe. Dës lüür sin sich ainig un daue dem Köönig Jësus horge. Dai ware behüütet wen God sij Regirung dai slechte uutrote däit. Ale dai wat behüütet wile sin muite Jësus horge. — Lees Apocalipse 7:9, 14, 16, 17.
God däit sijne Regirung benutse taum måke wat hai wul fom anfang an. Wen dai duusend jåre forbij sin, den is al dai gans Ër ain Paradijs. Wen dit passijrt, däit Jësus sijm Fåter der Regirung afgeewe. (1 Coríntios 15:24-26) Däist duu aine kene wat gërn dës gaure nijges waite wil? — Lees Salmo 37:10, 11, 29.
^ paragraaf 6 Taum beeter forståe dai bijblisch profëtsijr oiwer dat jår 1914, dau dai sijrer 217-220 saie fom bauk Duu Kast dai Bijbel Forståe!.
