“As ik kind wäir mij ülst braurer däir mij jërer dag sër slecht behandle. Nåheer as ik frigt häw, wäir mijn swijgermuter wat dat måke däir. Sai un mij swijgerfåter däire mij behandle soo as aine eskrav. Ik häw sogår dacht mij doodmåke.” - Madhu, a Índia.

 Dai Organização Mundial da Saúde sägt dat “ine ganse wild dai fruuges ware slecht behanelt”. Wart sägt dat fon 3 fruuges 1 wart slecht behanelt in eer leewend. Air kan eer hooge urer mit gewald seks måke.

 Wen dat al mit dij passijrt is, kan sin duu häst angst dat werer soo wat mit dij passijre däit up irgends ain stel. Weegen al dës slechtigkët wat passijre, kan sin duu däist denke dat tau dai mëste lüür, “dai fruuges häwe kaine wërd”. Un God? Däit hai sich bekümre mit dai fruuges?

 Bijbelspruch: ‘Kërl un fruug hät God måkt.’ (Gênesis 1:27)

 Wat bedüürt dës spruch? God hät de kërl un dai fruug måkt. Tau em sai bëd sin wërd gaud behanelt ware. God wil dai kërl “mut sijn fruug lijbe soo as sich selwst”. God wil ni dat hai eer komandijre däit, uphaupt mit slecht un streng wöör. (Efésios 5:33 un Colossenses 3:19) Blijwt klår den, dat God wil dat dai fruuges sich behüütet befijne.

 “As ik kind wäir, mijn fründe häwe seks mit mij mit gewald måkt. As ik 17 jår uld wäir mij schef hät sägt hai däir mij wegschike wen ik ni seks mit em måke däir. As ik groot wäir, ik bün slecht behanelt woore for mijn kërl, mijn papa un mama un mijn nåwerslüür. Åwer dun, häw ik oiwer Jehovaa b lërt, Dai wat oos måkt hät. Hai behanelt dai fruuges gaud. Dat giwt mij sicherhët dat hai mij lijbe däit un dat ik wërd tau em häw.” - Maria, Argentina.

 Bijbelspruch: “Is air amigo wat sich düler anhült as air braurer.” (Provérbios 18:24)

 Wat bedüürt dës spruch? Air woo’s duu gaure ümgang mit häst, wart dij helpe. Wen’s duu kast, fortel oiwer dat wat’s duu forneeme däist tau aim woo’s duu dij upforlåte däist.

 “Doir 20 jåre lang ik häw dat tau kaim fortelt dat air mit gewald seks mit mij måkt har. Dårweegen, bün ik sër unruig un traurig woore. Åwer wäir air wat mij hööre wul. Dun häw ik fortelt wat mij mit passijrt wäir un ik häw mij sër gaud befuune.” - Elif, Turquia.

 Bijbelspruch: ‘Smijt oiwer God al juuch kopbreeken, weegen hai passt juuch up.’ (1 Pedro 5:7)

 Wat bedüürt dës spruch? Wen’s duu beere däist, gans sicher God däit dij hööre. (Salmo 55:22 un 65:2) Un dat hai sich mit dij bekümert, hai wil dij helpe forståe dat’s duu feele wërd häst.

 “Lëre oiwer Jehovaa hät mij hulpe dat dai waidåg wat ik inwarts forneeme däir, beeter woore is. Nuu kan ik uutm härts tau em beere. Ik häw aine gaure ümgang mit em un hai forstäit wat ik forneeme dau.” - Ana, Belize.

 Bijbelspruch: ‘Jehovaa . . . mökt gerechtigkët tau dai wat kain papa urer mama häwe un tau dai wat uunerdrükt ware. Dat dai lüür upe ër eer ni mër ängste.’ (Salmo 10:17 un 18)

 Wat bedüürt dës spruch? Bald däit God dai ungerechtigkët almåke. Den, ware dai fruuges ni mër slecht behanelt un sai daue kain slechtigkët mër mitmåke.

 “Hät mij sër trööst waite dat Jehovaa bald wat måke däit dat dai fruuges un määkes ni mër slecht behanelt ware. Dat giwt mij freere.” - Roberta, México.

 Taum nog mër lëre oiwer dai hofnung wat dai Bijbel oos giwt, oiwer woweegen kast duu glööwe an dat wat ine Bijbel stäit un wosoo koine Jehovaas Tüügen dij helpe doir dai Bijbel, forlang dat air dij besöcht.

 Måk dai download fon dës artikel taum up papijr häwe.