Kudari zvinonanga zina ro kuti Nyumba yo Umambo, jijiso huru yo Bhaibheri inobhuiwa kondhoyo inokohomejera Umambo hwa Mwari—musoro wo kucumaera kwa Jesu.—Luka 8:1.

Ijona macine o kunamata ko kadi-kadi pa ndharaundha. Zvapupu zva Jehovha zvinoshandisa ndau iji kuitira kuronga basa ro kucumaera masoko akanaka o Umambo. (Mateu 24:14) Nyumba jo Umambo jinosiana mu makurire no ma vakihwe, Jese jinomavakihwe akareruka, jimweni jino ungano jinodarika imwe. Mu makore aperari, takavaka gumi ro zviuru zvo Nyumba jo Umambo (zvinovonesa kuti shanu jinovakwa pa njiku) mukuitira kuti ungano jedu jirambe jecikura. Zvinoitikisa kudini izvi?—Mateu 19:26.

Jinovakwa ngo zvipo zvinoitihwa cinangwa cimwe basi. Zvipo izvi zvinoendeswa ku cine ro hofisi, ngo kudaro mare ingazovepo kuitira zvinodika zvo ungano basi zvikadika kuvaka kana  kuvakisazve Nyumba jo Umambo.

Jinovakwa ngo vazvipiri vanobva mundau jakasiana-siana. Mu nyika zinji, Zvikwata zvo Kuvaka Nyumba yo Umambo zvakarongwa. Vabati vo kuvaka zve vajipiri vanobva ku ungano imwe voenda mukati mo nyika pikija mukati-kati kamare kuti vaende kootungamirira urongwa humwe nga humwe hwo kuvaka zve kujijisa Zvapupu zvo pandharaundhepo.Mu nyika jimweni, Zvapupu zvinokwanirisa zvinogajwa zvakagajwa kuitira kuvonerera kuvakwa no kuvakiswazve ko Nyumba jo Umambo mukati mo ndharaundha imwe. Vakuru vano ruzivo hwo kuvaka vanotungamirira ungano ku mudanyu jese jo urongwa zve no vazvipiri vo vanarume vanonasa kuziva. Pese panovakwa, vo paunganopo vanoumba boka guru ro vazvipri vanoshanda ngo simba. Mujimu wa Jehovha zve kuvangisira ko mwoyo wese ko vandhu vake kunoita kuti zvese izvi zviitike.—Nduyo 127:1; VaKolosi 3:23.

• Ngenyi ndau jatinonamatira jinozwi Nyumba jo Umambo?

• Zvinoitikisa kudini kuvaka Nyumba jo Umambo mu nyika yese?