Ye ukhona sibili futhi ‘ungumbusi womhlaba.’ Uyisidalwa somoya esahlamukela uNkulunkulu. (UJohane 14:30; Kwabase-Efesu 6:11, 12) Ubuntu bukaDeveli bukhanya ngokucacileyo emabizweni akhe aseBhayibhilini:

•   USathane elitsho “Umphikisi.”—UJobe 1:6.

•   UDeveli elitsho “Umnyundeli.”—ISambulo 12:9.

•   Inyoka. Nxa iBhayibhili lisebenzisa ibala elithi inyoka liyabe lisitsho “Umkhohlisi.”—2 KwabaseKhorinte 11:3.

•   UMlingi.—UMathewu 4:3.

•   Ungusomangase.—UJohane 8:44.

USathane ayisobubi obuphakathi komuntu

 Abanye bathi uSathane uDeveli yibubi obuphakathi kwethu abantu. Kodwa eBhayibhilini kulengxoxo eyabakhona phakathi kukaNkulunkulu loSathane. UNkulunkulu kalasono yikho ngeke sithi wayekhuluma lobubi obabuphakathi kwakhe. (UDutheronomi 32:4; UJobe 2:1-6) USathane waphinda walinga uJesu owayengelaso isono. (UMathewu 4:8-10; 1 UJohane 3:5) Yikho iBhayibhili litshengisa ukuthi uDeveli ukhona sibili ayisobubi obuphakathi komuntu.

 Kumele kusimangalise yini ukuthi abantu abanengi abakholwa ukuthi uDeveli ukhona? Hatshi, ngoba iBhayibhili lithi uSathane usebenzisa ubuqili ukuze enze lokho akufunayo. (2 KwabaseThesalonika 2:9, 10) Ubuqili bakhe obukhulu ngobokwenza abantu bangakholwa ukuthi ukhona sibili.—2 KwabaseKhorinte 4:4.

 Iqiniso: Ibala lesiHebheru kwamanye amaBhayibhili elihunyutshwe ngokuthi “Lusifa” litsho ‘inkanyezi yekuseni.’ (U-Isaya 14:12) Nxa singakhangela indaba iyonke, ibala leli litsho umbuso kumbe ukulandelana kwamakhosi eBhabhiloni uNkulunkulu athi uzawehlisa ngenxa yokuzigqaja kwawo. (U-Isaya 14:4, 13-20) Umutsho othi ‘inkanyezi yekuseni’ wasetshenziswa lapho kuchothozwa iBhabhiloni ngesikhathi isinqotshiwe.

 Iqiniso: USathane yisitha sikaNkulunkulu, kasinceku yakhe. USathane uphikisa abantu bakaNkulunkulu futhi uyabanyundela.—1 UPhetro 5:8; ISambulo 12:10.