U-Isaya 35:1-10
35 Ilizwe elomileyo kanye lenkangala kuzathokoza,+Lendawo elugwadule izathaba njalo iqhakaze njengesafroni.*+
2 Izaqhakaza loba sekutheni,+Ijabule futhi imemeze ngentokozo.
Izaphiwa inkazimulo yeLebhanoni,+Ubuhle beKhameli+ leSharoni.+
Abantu bazayibona inkazimulo kaJehova, ubuhle bukaNkulunkulu wethu.
3 Qinisani izandla ezibuthakathaka,Liqinise lamadolo axegayo.+
4 Khulumani labakhathazekileyo* lithi kubo:
“Qinani, lingesabi.
UNkulunkulu wenu uzabuya ezophindisela,UNkulunkulu uzabuya ezojezisa.+
Uzabuya azolisindisa.”+
5 Ngalesosikhathi amehlo eziphofu azavulwa,+Lendlebe zezacuthe zizavulwa.+
6 Ngalesosikhathi umuntu oyisigoga uzakweqa njengempala,*+Lesimungulu sizamemeza* ngentokozo.+
Amanzi azampompoza enkangala,Lezifula zigeleze endaweni elugwadule.
7 Umhlabathi otshisa bhe uzakuba lichibi lamanzi elilemihlanga,Lomhlabathi owomileyo ube lemithombo empompoza amanzi.+
Ezindaweni amakhanka ayephumula kuzo+Kuzakuba lotshani obuluhlaza lemihlanga lemizi.
8 Kuzakuba lomgwaqo omkhulu,+Umgwaqo lo uzabizwa ngokuthi yiNdlela yobuNgcwele.
Akulamuntu ongcolileyo ozahamba ngaleyondlela.+
Igcinelwe lowo oyilandelayo,Kakho oyisiphukuphuku ozahamba kuyo.
9 Akusoze kutholakale isilwane kuyo,Njalo akulanyamazana zeganga eziyingozi ezizasondela kuyo.
Kazisoze zitholakale kuyo;+Abathengwe nguNkulunkulu yibo kuphela abazahamba kuyo.+
10 Abahlengwe nguJehova bazaphenduka,+ bazafika eZiyoni bememeza ngentokozo.+
Intokozo engapheliyo izakuba ngumqhele emakhanda abo.+
Ukujabula lokuthaba kuzakuba ngokwabo,Futhi usizi lokububula kuzanyamalala.+
Amabala angaphansi
^ Isafroni liluba.
^ Kumbe, “labakhathazekileyo enhliziyweni.”
^ NgesiHebheru, “Lolimi lwesimungulu luzamemeza.”
^ Ibala lesiHebheru elisetshenziswe lapha litsho inyamazana ehambelana lempala.
