IHubo 36:1-12
Kumqondisi wokuhlabela. Ihubo likaDavida inceku kaJehova.
36 Umuntu owenza okubi uhlala efuqwa ngokubi okusenhliziyweni yakhe,Kamesabi ngitsho uNkulunkulu.+
2 Kenelisi ukubona isono sakhe lokusizonda,+Ngoba uzibona eqakatheke kakhulu.
3 Amazwi awakhulumayo abuhlungu futhi alobuqili,Kaqedisisi ukuthi angakwenza njani okuhle.
4 Ubumba amacebo amabi lalapho elele embhedeni wakhe.
Uhamba endleleni embi,Kakwali okubi.
5 Awu Jehova, uthando lwakho oluqotho lufika khonale emazulwini,+Ukuthembeka kwakho kufika emayezini.
6 Ukulunga kwakho kunjengezintaba ezinkulu,*+Izahlulelo zakho zinjengamanzi amanengi atshonayo.+
Ulondoloza abantu lezinyamazana, awu Jehova.+
7 Uthando lwakho oluqotho luligugu kakhulu, awu Nkulunkulu!+
Abantu baphephela ngaphansi kwamaphiko akho.+
8 Bayazitika ngokunathwayo okugcwele endlini yakho,+Ubanika izinto ezinengi ezinhle, kube angathi ubanathisa emfuleni olamanzi amanengi.+
9 Nguwe osinika ukuphila.*+Siyenelisa ukubona ukukhanya ngenxa yokukhanya kwakho.+
10 Qhubeka ulothando oluqotho kulabo abakwaziyo,+Uhlale ulungile kulabo abaqotho enhliziyweni.+
11 Ungavumeli unyawo lwalowo ozikhukhumezayo lunginyathele,Kumbe ukuthi isandla somubi singixotshe.
12 Khangela abenza okubi sebewile,Bawiselwe phansi, abasenelisi ukuvuka.+
Amabala angaphansi
^ NgesiHebheru, “kunjengezintaba zikaNkulunkulu.”
^ NgesiHebheru, “umthombo wokuphila.”
