Biblia san se uelta tlajtoua itech tatuajes, itech Levítico 19:28 kijtoua: “Amo moneki nankinmotlaliliskej tatuajes”. ToTajtsin Dios okinmakak nin tlanauatil israelitas, porque amo okinekiaya ma kichiuakan ken akinmej ochantiayaj itech okseki altepemej, yejuan okinmotlaliliayaj itech incuerpo intoka teotsitsintin uan okseki tlamantli (Deuteronomio 14:2). Maski akinmej tikchiuaj ken Cristo ayakmo tiktlakamatij itlanauatil Moisés, techpaleuis tla tikitaj tlen principio bíblico kipia non tlanauatil.

¿Akin kichiua ken Cristo uelis kimochiuilis se tatuaje?

 Ma tikitakan seki principios bíblicos tlen uelis techpaleuiskej:

•   “N siwameh makimotlalilikah intlakeh kemi Dios tlanawatia” (1 Timoteo 2:9). Nin principio bíblico noijki uelis kinpaleuis tlakamej. Akin kichiua ken Cristo moneki kuali motas para oksekimej amo ma mokuejsokan uan kuali ma momachilikan.

•   Sekimej kinekij kimochiuiliskej tatuajes para kiteititiskej amikaj kinnauatia uan san yejuan kijtoskej tlen kichiuaskej. Pero Biblia kijtoua akinmej kichiuaj ken Cristo moneki ma motemakakan: “Kemi se tlamíktili non yolitok, chipawak ijkó kemi Ye kipaktia. Ye ni tlan milák ipati inawak Dios” (Romanos 12:1). Tla ikaj kineki kimochiuilis se tatuaje, moneki kuali mokuayejyekos uan motlajtlanis tleka ijkon kineki kichiuas. Xamo san kineki kichiuas tlen oksekimej kichiuaj para iyolikniuan ma kiselikan. Pero tla ikaj ijkon kipanoua moneki motlajtlanis: “¿Tlen nikchiuas tla se tonal ayakmo kualtsin motas tatuaje noso ayakmo nechpaktis?”. Tla ijkon timotlajtlaniaj kuali tikpejpenaskej tlen tikchiuaskej (Proverbios 4:7).

•   “Kuali kisas tlen kichiua akin kipaktia tekipanos pero amitlaj kipias akin san niman itlaj kichijtikisa” (Proverbios 21:5). Ualeua ijkuak kimochiuiliaj se tatuaje amo kuali mokuayejyekouaj, akin ijkon kichiua satepan kita amo kuali tlen okichi. Akin kimochiuilia se tatuaje xamo amo uelis tekipanos kanin kineki uan oksekimej amo kuali kitaskej. Satepan akin kineki kipojpolos se tatuaje moneki kitlaxtlauas miak tomin uan tekoko. Miakej opejkej tekitij kanin kinpojpolouaj tatuajes uan non kiteititia miakej ayakmo kinekij kinpiaskej.