Jesús kimati ijkuak ikaj kitlajyouiltiaj. Sekimej okijtojkej tlen amo melauak, sapanoua okiteuijkej, okixkomakakej uan saiktlami okixpolojkej. Pero “okitemakako iyolilis para miakej kintlaxtlauas” maski amitlaj okichi (Mateo 20:28; Juan 15:13). Axkan kiyekana iTekiuajkayo toTajtsin Dios. Ayakmo miak poliui Jesús kichiuas ayakmo kitekauilis matetlajyouiltikan uan nochtin kuali mouikaskej (Isaías 42:3).

 Biblia kijtoua ken chantiskej itech tlaltikpak ijkuak Jesús ayakmo kitekauilis matetlajyouiltikan:

•   “Akinmej amo yolkualmej ayakmo yetoskej, maski kintemoskej ayakmo ompa yetoskej. Pero akinmej yolkualmej kinmakaskej tlaltikpak uan melauak yolpakiskej porque yetos miak yolseuilistli” (Salmo 37:10, 11).

 ¿Ken uelis tikteititiskej tiktlasojkamatij nochi tlen Jesús yokichi uan tlen kichiuas satepan? Itech Lucas 22:19 Jesús okinmilui idiscípulos makilnamikikan imikilis. Ikinon sejse xiuitl tiiTlaixpantijkauan Jehová itech nochi tlaltikpak tikilnamikij imikilis. Timitsyoleuaj touan ximonechiko para tikilnamikiskej imikilis Jesús domingo 24 de marzo 2024.

Xiktemo kanin timonechikos para tikilnamikis imikilis Jesús