Kemaj. Nochin itaixpantijkauan Jiova titanojnotsanij, uan millones siuamej touan kichiuaj nejon tekit. Tein melauj, Biblia kijtoua: “Siuamej akin kitetapouiaj kuali tanauatilmej tamatij kemej tel miakej tateuianij” (Salmo 68:11).

 Tokniuan siuamej kichiuaj ijkon kemej kichiujkej siuamej akin ika tajtoua Biblia uan amo kikaujkej Dios (Proverbios 31:10-​31). Maski yejuan amo taixyekanaj itech nechikol, ika miak pakilis tanojnotsaj kajkalpan uan kichiuaj se kuali tekit keman kinnextiliaj ininkoneuan tein tamachtia Biblia (Proverbios 1:8). Uan no, ika inintajtoluan uan ika tein kichiuaj kitemouaj kinpaleuiskej oksekin (Tito 2:​3-5).