¡TAIJXITILIS! 2022, tapoual 1 | Keniuj tikixnamikiskej kuejmolmej tein axkan onkak
Okachi motaouijkantalia nikan taltikpak. Taltikpakneminij semi tajyouiaj porin okachi mochiuaj tetsaujmej uan no porin oksekin semi takuejmolchiuaj. Xikonita keniuj tejuatsin uan mochankauan uelis nankiixnamikiskej nejin ouijkayomej.
Keniuj tikixnamikiskej kuejmolmej tein axkan onkak
Maski tikonpanotos se ouijkayot moneki tikonixtalis toni tikonchiuas para tionmoyekpias uan tikinyekpias akin tikintasojta.
1 | Xionmoyekpia
Komo tionpaktok, okachi kuali tiontaixpejpenas keman tikonpias se ouijkayot.
2 | Xikonyekpia motomin
Komo kuali tikontekitiltia motomin, okachi kuali tikonixnamikis se kuejmol.
3 | Xikonyekpia akin tikontasojta
Xikonita seki tayolmajxitilis tein mitsonpaleuis okachi xionmouika iuan monamik, xikonyekpia akin iniuan tionmouika uan mokoneuan.
4 | Xikonchia tein kuali
Biblia techpaleuia maj tikixnamikikan ouijkayomej uan maj tikchiakan tein kuali.
Tein ika tajtoua nejin amaix
Xikonita toni uelis tikonchiuas tejuatsin uan mochankauan tein namechpaleuis xikixnamikikan kuejmolmej tein axkan onkak.
