Tlauel miakej kinpaktia nopa uikatl uan videos Ximouampojchiua iuaya Jehová, kampa nesij Caleb uan Sofía. Yeka tetajmej uan konemej kititlantokej amatlajkuiloli tlen ika tetlaskamatiliaj pampa mochijchijki nopa videos. Nikaj tlatsintla nesi tlen kiijkuilojkej se keskij konemej:

• “Tlaskamati pampa kichijchijkej nopa película Jehova bendice al que escucha y obedece. Na uan nopeluche mojmostla tikitaj nopa película” (Zach, makuili xiuitl)

• “Nopa yankuik uikatl nechmachtik Jehová tlauel nechiknelia uan kineki nochipa ma nimomaijto” (Mikariah, chikuasej xiuitl)

• “Nijyekok moneki nikinneltokas notatauaj uan nochipa kuali nitlatlajtlalis tlen nijpia. Tlaskamati pampa inkichijchijkej ni video tlen kinpaleuis konemej” (Nicole, chikueyi xiuitl)

• “Tlaskamati pampa inkichijkej ni video. Tlauel nechyolpakiltik uan tlauel nechpaktik” (Mckenzie, makuili xiuitl)

• “Tlauel nechpaktia nopa videos tlen itoka Ximouampojchiua iuaya Jehová. Mojmostla nikinita. Jehová kipia kuali iyolo pampa inmechpaleuia ma inkichiuakaj ni tlamantli” (Ava, chikueyi xiuitl)

• “Tlauel nechpaktia nopa videos. Nijtsontekontlalijtok nochi uikatl. Yeka nama tlauel nikiknelia Jehová” (Devon, naui xiuitl.)

• “¡Tlauel nijneki nikitas se yankuik video kampa nesi Caleb! ¡Nojua xijchijtiakaj ni videos!” (Vance, chikueyi xiuitl)