Sekinok uelis nojkia motlatsintokiaj: “¿Kenke tiitstokej?” o “¿Kenke techchijchijkej?”. Biblia kiijtoua toTeotsij techchijchijki pampa kineki ma timouampojchiuakaj iuaya. Tlaj tijnekij tijkuamachilisej ni tlamantli, ma tikitakaj tlen tlamachtia Biblia.

•   ToTeotsij techchijchijki. Biblia kiijtoua: “ToTeko Dios [...] techchijchijki. Axtimochijchijtokej tojuantij” (Salmo 100:3; Apocalipsis 4:11).

•   ToTeotsij kimati kenke kinchijchijki maseualmej uan sekinok tlamantli tlen onka (Isaías 45:18).

•   ToTeotsij kichijki ma ‘tijmatikaj moneki timomachtisej iTlajtol’ uan ma tijnekikaj tijmatisej kenke tiitstokej (Mateo 5:3, TNM). Ya kineki kiampa ma tijchiuakaj (Salmo 145:16).

•   Tijmatij moneki timomachtisej iTlajtol kema tijchiuaj kampeka tikixmatisej toTeotsij uan timouampojchiuasej iuaya, uan ni nochi uelis tijchiuasej. Biblia techtlaneui ma tijchiuakaj ni: “Ximonechkauikaj kampa toTeko uan yajaya inmechnechkauis” (Santiago 4:8; 2:23).

•   Tlaj tijnekij timouampojchiuasej iuaya toTeotsij, moneki tijchiuasej tlen ya kinekiyaya ma tijchiuakaj kema techchijchijki. Biblia kiijtoua tlen toTeotsij mosentlalijtoya ma tijchiuakaj: “Xikimakasi toTeko uan xijchiua katli kiijtoua itlanauatiljuaj. San ya nopa katli moneki kichiuasej nochi maseualmej” (Eclesiastés 12:13, Icamanal Toteco, [NHWBI]).

•   Teipa, kema toTeotsij kitsontlamiltis tlen techtlaijiyouiltia uan kinmakas nemilistli tlen axkema tlamis nochi iuampoyouaj katli amo kitlauelkajtokej, motlamiaxitis tlen mosentlalijtoya kichiuas ika maseualmej (Salmo 37:10, 11).