Ma tijnextikaj tlaiknelili
Tlen amo moneki tijchiuas
Eli ouij se akajya ayokmo ma techikoita. Tlaj ayokmo tijnekij tijpiasej se kokolistli, moneki timopajtisej uan tijkauasej ma pano tonali, uan tlaj ayokmo tijnekij titechikoitasej nojkia moneki kiampa tijchiuasej. ¿Tlake techpaleuis?
Tlen Biblia tetlajtolmaka
“Tlaiknelijkayotl techilpia sansejko para ma tijpiakaj sanse toyolo” (COLOSENSES 3:14).
¿Tlake kiijtosneki? Tlaj tikinpaleuisej sekinok kichiuas ma timoiknelikaj. Tlaj tijnextis nelnelia tikiniknelia sekinok, mitspaleuis amo xitechikoita uan amo xitekualankaita.
Tlen uelis tijchiuas
Ximoiljui kenijkatsa uelis tijnextis tikiniknelia maseualmej katli amo mitspaktia kej elij. Amo moneki tijchiuas uejueyi tlamantli. Uelis tijchiuas ni:
Tlaj tijchiuasej tlamantli tlen kinextis tikinikneliaj sekinok, ayokmo titechikoitasej.
Xijpaleui katli amo eua ipan moaltepe kema tikitas mokuapolojtok o xikiljui ma moseui kampa ta timoseuijtoya kema ayokmo onka kampa moseuis.
Xijchiua kampeka tijkamanaljuis maske ya amo kuali kamanalti motlajtol.
Xijpia moyolo kema kichiuas se tlamantli tlen amo tijkuamachilia.
Kuali xijtlakakili uan xijchiua kampeka tijkuamachilis kuesoli tlen kipia.
Tlen nojkia mitspaktis tikitas
¡XITLACHIXTOKAJ!
Tlen mitspaleuis kuali ximouika ininuaya sekinok
¿Tlake kuajkuali tlamantli uelis tijnextisej uan kiampa kuali timouikasej ininuaya sekinok?
