Jehovab di ǀHûǀguitimî-aon ase da ge sida nau khoen ǀkha ǂgomdi xa ra ǃhoa. Xawe da ge ǁîn ǀkha ǁîn ǃoaba di ǃnâ ǀhûǀhao tama hâ. Elobmîs ge ra ǁgau ama Xritseǁîn ge “ǃkhōǁaehe tsî ǃgaeǀhaohe hâ” tsî ǁîn xa ra mâǂoa xū-i ge ǂgoms di ǀguiǃnâxasiba. (Efeseǁîn 4:16; 1 Korinteǁîn 1:10; Filipeǁîn 2:2) Nēs ge ǀnammi, tsâbaǁhaoxasib tsî ǀûbagus ai ǀgui ǃgaoǃgaosa tama hâ. Sida ǂgoms ge amab hîna Elobmîsa xu ra hāb ai a ǃgaoǃgaosa, nēs oses ge sida ǂgomsa a ǁau.​—Romeǁîn 10:2, 3.

Elobmîs ge nau ǂgomdi ǀkha ǃgaeǀhaosa ūhâsa ǂgomoǃnân ǀkha ǃnao-e ǂgaeǀhaos ama Xristeǁî ǂgoms ǀkha ǃgûǀhao tama ǃkhaisa ra ǁgau. (2 Korinteǁîn 6:14-17) Jesub tsîn ge ǁîb di ǁkhāǁkhāsabega nau ǂgomdi ǀkha ǀguiba ǃoabasa ge mā-am tama hâ i. (Mateub 12:30; Johaneb 14:6) Moseb ǂhanub tsîn ge Israelǁaesa ge mā-am tama hâ i în nau ǂgomdi ǀkha ǃgaeǀhaona ūhâ. (Eksodus 34:11-14) ǂGomǂgomsa Israelǁîn ge ega huib hîna di nau ǂgomdi khoena gere mā nî de ge ūǃoa tama hâ i nēs nau ǂgomdi khoen ǀkhan ra sîsenǀhaosa nî ǁgau amaga.​—Esrab 4:1-3.

Î. 2023ǁÎ kurib ǃnân ge 1,791,490,713 īrga nau khoen ǀkha Elobmîs xa ǃhoas ǃnâ ge dī. Apostel Paulub khami da ge ‘khoen hoan’ di ǂgomdi ǂâiǀgauba aoǁnâ sîsenni ǃnâ ra ǁnâuǃā ǂgao. (1 Korinteǁîn 9:19-22) Sida ǁgamǀhaodi ǃnâ da ge “ǃaob” tamas ga io ǃgamǃgôasib ǀkha Elobmîsa nau koena ra ǁgau ǂgao.​—1 Petrub 3:15.