ǃKharu ge ǁaeb Scrolli ǂanǂuis
ǀOro ǁaeb xoadi ǂkhanib Ein Gedi ge 1970ǁî kurib ǃnâb ge ǂanǂui-esa xu ge sîsen-ūhe tama hâ i. Hoaǀkhāga ǀgui ǁaeb ai ra mûsen kai kameras ge Levitikus di xoadi tsoatsoas hîna Elob ǀonsa ūhâde nē scrolli ǃnâ ge hō
1970ǁÎ kurib ǃnân ge ǀoro ǁaeb xūn ôaǃnâ-aona scrolla ge ǂanǂui Ein Gedis Israeli ǀgūse ǂŌxahurib tawa. Ôaǃnâsan ǃkharu ge ǁaeb ǃnâ ǃgaroǃās ai ǂhubi hâ sinagogeb tawa ra dī hînan ge nē scrolla ge hō. Scrolli ge kaise ǁgaise ge ǂhubi hâ i tsîn ge ǁnās ǀkha ge khomai hō tama hâ i tae-i ge scrolli ai xoasa īsa. Xawen ge hoa ǀkhāga ra mûsen kai kameras di huib ǀkha ge mû ǁkhā i tae-i scrolli ai mâsa. Tsîn ge nēs ǃaroma ge khomai ǁkhā i scrolli ai i ge tae-e xoasa īsa.
Tae-en ge scrolli ǃnâ khomai? Scrolli ge Elobmîs ǂkhanidi ǃâ. ǃGau hâ ǃâb hînan ge hōb ge Levitikus ǂkhanis di ǂguro ǃâga ūhâ. Nē xoadi ge Elob ǀonsa ge ūhâ i Hebregowab xoa ǀgaub Tetragrammatoni ǃnâ. Nē ǂanǂuis ge ǂguro kurigu sida ǃgôa ǁaeb diba xu hagaǁî kurib sida ǃgôa ǁaeb dikha ǃnâ ge hō-e tsî ǁnās ǃaroma kaise a ǀoro ǂanǂui hîna Hebregowab ǃnâ ge hō-esa. Ein Gedi scrolli ǂanǂuis “tsî ǂguro ǂanǂuis hîna ge ǂŌxahurib tawa a hō-eb tsîn ǁaegu da ge 1000 kuriga ūhâ tsî Aleppo Codex ǁaegu 100 kuriga.” Gā-ai khoen ǂans ǃoagus ge nē scrolli ǂanǂuisa Masoretic xoadi Torah sa “ǃamkuse ge kōǃgâ-e kurigu ge ī khami ǁnās ǃaroma i ge ge ǁgaiǁgai-e tama hâ i.”
