ǀGuritsâsensa nauna huis ǃnâ-ū ǃkhamǃoa—Elobmîs ra mî-i
ǃHūbaib ǂhawase hâ khoen ge ra ǂâi naun ǀkhan ǀgū ǀhōsagusisa ūhâ ǁoasa. ǀAeǃkhōs khoen ge ra mî khoena huis ge ǁnā tsâsiga a ūbe ǁkhā.
“ǂHâsib ǃnâ hâna huis ge sida ûiba ǂâibasensa a mā ǁkhā tsî da ge ǀguritsâsen tide.”—U.S. National Institutes of Health.
Elobmîs ge ra mîba da tae-e da a dī ǁkhāsa nauna huis ǀkha. Nē ǀapemāde saos ge ǀguritsâsensa ǃkhamǃoas ǀkha a hui ǁkhā.
Dī ǁkhā du a xu-i
Māxa re. ǀGauga ôa re î du naun ǀkha sarigu. Māsenxa re ū du hâna naun ǀkha ǀgoragusa. ǁNāsa du ga dī, on ge ǃgôaǃgâsiba a ǁgau ǁkhā hîna ǀhōsagusisa a omkhâi tsoatsoa ǁkhāga.
Elobmîs daoǁgaus: ‘Mā o du ge khoen xa nî māhe.’—Lukab 6:38.
Sadu ǀgaiba sîsenu re nauna huisa. ǀGauga ôa re khoen hîna ǃgom mâsiba ra ǃkharuǃnâ na huisa. ǁNās ge ǀkhomxaǂgaose ǁîna ǃgâ tamas ka io ǀkhara ǀgaugu ǃnâ ǁîna huis ǃnâ-ū. ǁNās ge ǁîn ûiba nî supusupu.
Elobmîs daoǁgaus: “Hoa ǁaen ge ǀhōsana ǀnamma ra ǁgau tsî sa ǃgâsan ge ǂhâb ǃnân nî hui ga ge ǃnae.”—ǂKhoamîdi 17:17
ǂAn ǂgao du ga o, mati du ǀhōsagusina ūhâ ǀgara ǁkhāsa, saora khomai ǃâsa khomai re “Family Life and Friendships.”
