Namsgã na n wa saame bɩ?
Y na n leokame . . .
tɩ n-ye bɩ?
tɩ ayo bɩ?
bɩ y na n leokame tɩ tõe tɩ wa sa?
BIIBLÃ SẼN YETE
“Wẽnnaam . . . na n yẽesa nintãmã fãa t’a ra le zĩnd bãmb ninẽ ye, la kũum ka na n le zĩnd ye, la sũ-sãoong bɩ yãbr wall toog kõn le zĩnd yɛs ye.”—Wilgri 21:3, 4, Wẽnnaam Sebre.
RẼ SẼN TÕE N NAF-Y TO-TO
Y na n basa yard tɩ pa Wẽnnaam n namsd ãdem-biisã ye.—Zak 1:13.
Y na n basa y yam tɩ ãdem-biisã sẽn namsdã pa noom Wẽnnaam ye.—Zakari 2:12.
Y na n kɩsa sɩd tɩ namsg buud fãa na n saame.—Yɩɩl Sõamyã 37:9-11.
D TÕE N TẼE BIIBLÃ SẼN YETÃ BI?
N-ye. Ad bʋʋm a yiibu:
Wẽnnaam kisa namsg la wẽgb buud fãa. Bãng-y tɩ pĩnd wẽndẽ, b sẽn da wa n namsd a Zeova nin-buiidã ne toolmã, sãama a sũuri. Biiblã goma rẽ yell n yeel t’a Zeova ‘zoee b nimbãaneg b namsgã ne b toogã pʋgẽ.’—Bʋkaoodba 2:18.
Wẽnnaam kisa ned sẽn namsd a to. Wala makre, Biiblã yeelame t’a kisa “nus sẽn kʋʋd bʋʋm dãmba.”—Yelbũna 6:16, 17.
Wẽnnaam geta tõnd ned kam fãa yelle. Ãdem-biisã sẽn namsdã, a Zeova mii b ned kam fãa zu-loɛɛga.—2 Kibaya 6:29, 30.
Ka la bilfu, a Zeova na n tũnuga ne a Rĩungã n kɩt tɩ ãdem-biig baa a ye da le nams ye. (Matɩe 6:9, 10) La nand tɩ wakat kãng ta, a belsda neb nins fãa sẽn baood-a ne pʋ-peelmã.—Tʋʋma 17:27; 2 Korẽnt dãmba 1:3, 4.
Y tõe n paama Biiblã ne buud-goam sẽn na ta 50 n karem tõnd sit wɛɛbã pʋgẽ www.pr418.com/fr (Kilik-y PUBLICATIONS › BIBLE)