Mise sebre 5:1-15
5 “Foom a bi-pugl ning b sẽn zabd ne wã,masã, fo bogda f yĩngã.B gũbga tõnd n na n zabe.+
B pãbda Israyɛll bʋ-kaoodã yɛgdgã ne rasaare.+
2 La foom a Betlehɛm Efrata+sẽn yaa bilf wʋsg tɩ b pa tõe n sõd n naag Zida galʋ-tẽnsã,*mam sẽn na n yãk a soab t’a yɩ Israyɛll taoor soabã na n yii fo pʋgẽ.+A sɩngrã yaa hal pĩnd wẽndẽ, hal daar zãra.
3 Woto wã, Wẽnnaam na n daag-b lame n base,n tãag wakat ning pag ning sẽn segd n dogã sẽn na n doge.
Rẽ poore, taoor soabã saam-biis nins sẽn ketã na n lebg n leba Israyɛll buudã sʋka.
4 A na n yikame n kɩɩm a nin-buiidã ne a Zeova pãnga,+la ne a Wẽnnaam a Zeova yʋʋrã sẽn yaa kãseng n yɩɩdã.
Bãmb na n zĩnda ne bãane,+bala a naamã na n taa dũniyã kɩremsã fãa.+
5 A na n kɩtame tɩ laafɩ zĩndi.+
Asiiri nedã sã n kẽ tõnd soolmã n lub tõnd gasd nins sẽn tar pãngã,+tõnd na n yãka pe-kɩɩmb a yopoe tɩ b zab ne-a, n-ye, rap a nii sẽn yaa nanambse.*
6 B na n sɩbga Asiiri soolmã ne sʋʋga,+la b sɩbg a Nimrood+ soolmã a rignoyẽ wã.
A na n fãaga tõnd Asiiri nedã nugẽ,+a sã n wa kẽ tõnd tẽngã n tab tõnd soolmã.
7 Buud wʋsg sʋka, a Zakoob yagens nins sẽn ketã na n yɩɩwa meenem sẽn yit a Zeova nengẽ,la wa saag sẽn niid mood zutsẽn pa teeg ninsaalbã,la sẽn pa gũud baa fʋɩ ninsaalbã kamb nengẽ wã.
8 Bu-zẽmsã sʋka, buud wʋsg sʋka,a Zakoob yagens nins sẽn ketã na n yɩɩwa gɩgemd sẽn be kãgrã we-rũmsã sʋka,la wa gɩgem-poll sẽn be piis sʋka.A pɩʋʋgdame n yõgd rũmsã n tɛt n tõsda,tɩ ned kae n na n fãag-b ye.
9 Yãmb nugã na n zẽka y zabd-n-taasã zugẽ.Yãmb bɛɛbã fãa na n sãamame.”
10 A Zeova yeelame: “Baraare,mam na n menesa yãmb wed-moosã y sʋka, la m sãam y saar-dãmbã.*
11 Mam na n sãama y soolmã tẽnsã,la m lub y zĩis nins fãa sẽn gũbg lalsã.
12 Mam na n kɩtame tɩ y bas y tɩtã maanego.Ned sẽn maand tɩt pa na n pa yãmb sʋkã ye.+
13 Mam na n sãama y bõn-naands nins y sẽn peesã ne y ra-lugsã y sʋka.Yãmb pa na n le wõgemd y nusã tʋʋm taoor ye.+
14 Mam na n võo ra-lugsã y sẽn lug n pʋʋsdẽ wã*+ yãmb sʋka,la m sãam y tẽnsã zãng fasɩ.
15 Mam sũ-yikrã la m sũ-puugrã pʋgẽ, mam na n doka m sũurne buud nins sẽn pa sak maamã.”
Vẽnegr toor-toore
^ Ebre, “tusa wã.”
^ Bɩ, “taoor dãmba.”
^ Yaa bũmb sẽn wõnd sarɛt tɩ wed-moos tatẽ.
^ Ges-y gom-biis võor bilgrã zĩigẽ.