Bʼiki Tiʼi Walak a Tuklik a Kʼin a Wataktoj?
Leʼek kʼuʼ a tan yokʼolkabʼa . . .
-
u bʼel tiʼi?
-
mas u kʼastal?
-
mas u kiʼtal?
KʼUʼ U YADʼAJ A BʼIBʼLE
«Dios . . . bel u cu laj chooʼ u cʼaʼ u wichooʼ yocʼol . . . maʼ caʼ yan a quimili, maʼax a yaj-oolala, a ocʼolo, a yajili. Tulacal a jabix abeʼe, jobi.»—Apocalipsis 21:3, 4, Leʼec Adaʼ u Tʼan a Dios a Tumulbene Tzʼiibaʼan a Tʼan Adaʼ ich Maya Mopan.
KʼUʼ U NUKUL ABʼEʼE TI TECH
Maʼ bʼel a kaʼa ti meyaj ti maʼax kʼuʼ a bʼeeli.—Isaias 65:21-23.
Maʼax kaʼ kʼuʼ ti kʼojaʼanil y yajilal a yanak.—Isaias 25:8; 33:24.
Kiʼak a wool etel a familia y ʼamiigoj tiʼ bʼebʼeel.—Salmo 37:11, 29.
JEDʼEʼEK WA TI TZʼOKSIK A WALAK U YADʼIK A BʼIBʼLE?
Jaja, yan kaʼpʼeel kʼuʼkaʼa:
-
A Dʼioso yan u mukʼ u jajkunte u promesaj. Ichil a Bʼibʼle, chen Dʼios Jehovah a adʼajaʼan ti «Noochil,» u men maʼ yan u jobʼeebʼ u mukʼ. (Apocalipsis 15:3) Patal u laj jajkunte u promesaj ti bʼel u kaʼa u kiʼkunte ti kuxtal tuwich a yokʼolkabʼ ti kichʼpan. Jabʼix u yadʼaj a Bʼibʼle jedʼeʼek u, «paatal u betic tulacal.»—Mateo 19:26.
-
A Dʼioso u kʼati u wich u jajkunte u promesaj. Por ejemplo, a Jehovah u kʼati u wich u kaʼ likʼsooʼ a kristiyaano a kimenooʼ.—Job 14:14, 15.
A Bʼibʼle u yeʼa ti leʼek u Mejen a Dʼioso, Jesus u chʼanesaj a kʼojaʼan. Kʼuʼkaʼa u bʼetaj? U men u kʼati u bʼeteʼ. (Marcos 1:40, 41) Jabʼixlik u modʼo u Tata, a Jesusu u kʼati u yaantooʼ adʼooʼ u kʼati a aantabʼälä.—Juan 14:9.
Ti weel ti leʼek a Jehovah etel a Jesusu u kʼatooʼ kaʼ ti wila u kiʼil a kuxtal a wataktoj!—Salmo 72:12-14; 145:16; 2 Pedro 3:9.
TIʼI KAʼ A TUKLE
Bʼikiʼ ti bʼel u kaʼa u jeleʼ ti mas kiʼ a yokʼolkabʼ a Dʼioso?
A Bʼibʼle u nuukta a kʼaatchiʼ abʼeʼe ich MATEO 6:9, 10 y DANIEL 2:44.